এগৰাকী ভাৰতীয় অভিনেত্ৰীয়ে দাবী কৰিছে যে তেওঁ কণ্ডমৰ বিজ্ঞাপন দিয়াৰ পিছতেই ভাৰতত যৌনতাৰ বিপ্লৱ সৃষ্টি হৈছিল৷ এই দাবী কৰা ভাৰতীয় অভিনেত্ৰীগৰাকী হৈথে পূজা বেদী৷
সেয়া আছিল ১৯৯১ চন৷ অভিনেত্ৰী তথা মডেল পূজা বেদীৰ মাৰ্ক ৰবিনচনৰ সৈতে কৰা এটা বিজ্ঞাপনে সমগ্ৰ দেশজুৰি তুমুল চাঞ্চল্যৰ সৃষ্টি কৰিছিল৷ দেশবাসীৰ অধিকাংশই এই বিজ্ঞাপনটোক কঠোৰ ভাষাৰে সমালোচনা কৰিছিল৷
বিজ্ঞাপনটোত বিদেশী পুৰুষ ৰবিনচনৰ সৈতে ভাৰতীয় অভিনেত্ৰী পূজা বেদীয়ে অতি ঘণিষ্ঠ তথা অন্তৰংগ মুহূৰ্তৰ দৃশ্য আছিল৷ এই দৃশ্য দেখি ৰক্ষণশীল দেশবাসীৰ একাংশই জ্বলি পকি উঠিছিল৷
লগতে পঢ়ক বিশ্বৰ পাঁচ সৰ্বাধিক ধন উপাৰ্জনকাৰী খেলুৱৈ কোন কোন?
উক্ত বিজ্ঞাপনটো আছিল কণ্ডমৰ৷ তেতিয়া ভাৰতবৰ্ষত গৰ্ভনিৰোধকৰ নাম নুখ লোৱাটোক পাপ বুলিয়ে মানি অহা হৈছিল৷ দেশবাসীৰ সমালোচনা আৰু ৰক্ষণশীলতাক সন্মান কৰি দুৰদৰ্শনে বিজ্ঞাপনটো নিষিদ্ধ কৰে৷ অৱশ্যে দেশৰ কেবল টেলিভিচনত বিজ্ঞাপনটো প্ৰচাৰ হৈ থাকে৷
অতি সম্প্ৰতি সংবাদ মাধ্যমত দিয়া সাক্ষাৎকাৰত উক্ত কণ্ডম বিজ্ঞাপনটোৰ প্ৰসংগ আনি পূজা বেদীয়ে ওপৰত কোৱাৰ দৰে এই দাবী কৰিছে৷
‘‘দেশে আমাৰ কণ্ডম বিজ্ঞাপনটো নিন্দা আৰু সমালোচনা কৰিলেও মই লক্ষ্য কৰিছিলো যে সেই বিজ্ঞাপনে ভাৰতত যৌনতাৰ বিপ্লৱ সূচনা কৰিছিল৷’ পূজা বেদীয়ে কয়৷
লগতে পঢ়ক সংকটত উত্তৰ কোৰিয়া! লকডাউন ঘোষণা একনায়ক কিমৰ! কিয় কৰিলে এই ঘোষণা?
সেই সময়তে একাংশ ব্ৰিটিছ সংবাদ পত্ৰই এই দাবী কৰিছিল বুলি কৈ পূজা বেদীয়ে লগতে আৰু কয় যে দেশত বিজ্ঞাপনটো নিষিদ্ধ কৰিলে সি একাধিক পুৰষ্কাৰ লাভ কৰিবলৈ সক্ষম হৈছিল৷
‘‘বিজ্ঞাপন জগতত ই নজিৰ স্থাপন কৰিছিল৷ যৌনতাৰ পথপ্ৰদৰ্শক হ’বলৈ পাই মোৰ নিজৰেই ভাল লাগিছিল৷’’ পূজাই লগতে আৰু কয়৷
লগতে পঢ়ক অসমীয়া ভাষালৈ স্বীকৃতি! গুগ’লত উপলব্ধ হ’ল অসমীয়া ভাষা
‘’যোৱা ৩০ বছৰত পৰিস্থিতিৰ অনেক পৰিৱৰ্তন হৈছে৷ এতিয়া দেশবাসীয়ে যৌনতাৰ বিষয়ে যথেষ্ট খোলাখুলিকৈ আলোচনা কৰে৷ এইটো ভাল কথা৷’’ পূজা বেদীয়ে সাক্ষাৎকাৰটোত কয়৷
৩০ বছৰৰ পূৰ্বে কণ্ডমৰ বিজ্ঞাপন দি দেশজুৰি চৰ্চা লাভ কৰা এই পূজা বেদী হৈছে বলিউদৰ অভিনেতা কবীৰ বেদীৰ কন্যা৷ পূজাৰ মাতৃ আছিল এগৰাকী লোক নৃত্যশিল্পী৷ পূজাৰ পিতৃ-মাতৃও যৌনতাক যথেষ্ট মুকলিকৈ আলোচনা কৰিছিল৷ পূজাই পিতৃ-মাতৃৰ পৰাই এই সাহস লাভ কৰা বুলিও প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
