দুজনকৈ কিশোৰ ছাত্ৰৰ নিথৰ দেহ উদ্ধাৰক লৈ হাহাকাৰ, চকু-জিভা-বুকুত চুৰিৰে আঘাত
১৫ জুলাই সোমবাৰে পুৱা ৰাজধানী পাটনাত দুজন কিশোৰ ছাত্ৰৰ মৃতদেহ উদ্ধাৰ হোৱাৰ পিছতে আলোড়নৰ সৃষ্টি হয়। বিষয়টো বেউৰ থানা এলেকাৰ। দুয়োটা মৃতদেহ পেট্ৰ’ল পাম্পৰ সমীপত অৱস্থিত এটা গেৰেজৰ সমীপৰ পানীৰে ভৰা গাঁত এটাত উদ্ধাৰ হয়।
দুয়োগৰাকী ছাত্ৰৰ মৃতদেহৰ হাত-ভৰি বান্ধি থোৱা আছিল। দুয়োৰে শৰীৰত আঘাতৰ চিন আছিল। এজনৰ বয়স ১১ বছৰ আৰু আনজনৰ বয়স ১২ বছৰ। মৰ্নিং ৱাক কৰিবলৈ ওলাই যোৱাৰ সময়তে দুয়োৰে মৃতদেহ উদ্ধাৰ হয়।
ঘটনাৰ পিছতে লগে লগে এই ঘটনা সম্পৰ্কে আৰক্ষীক খবৰ দিয়া হয়। তথ্য পোৱাৰ লগে লগে কিশোৰ দুটিৰ আৰু স্থানীয় লোক উভয়ৰে পৰিয়ালৰ সদস্যও সেই স্থানত উপস্থিত হয়। স্থানীয় ৰাইজে ক্ষোভিত হৈ ঘটনাস্থলীৰ সমীপতে ৩০ নং ৰাষ্ট্ৰীয় ঘাইপথ অৱৰোধ কৰে।
উভয় দুয়ো কিশোৰ গৰ্ডানীবাগ থানা এলেকাৰ সৰিষ্টাবাদ স্থানীয় বাসিন্দা ১২ বছৰীয়া বিবেক কুমাৰ আৰু ১১ বছৰীয়া প্ৰত্যুষ কুমাৰ বুলি জানিব পৰা গৈছে। বিবেকে চতুৰ্থ শ্ৰেণীত পঢ়ি থকাৰ বিপৰীতে প্ৰত্যুষ ষষ্ঠ শ্ৰেণীৰ ছাত্ৰ।
কালি নিশাৰে পৰা সন্ধানহীন হৈ আছিল দুয়ো ছাত্ৰ। পৰিয়ালৰ লোকে জনোৱা মতে, দুয়োটা কিশোৰ নিৰুদ্দেশৰ তথ্য নিশা গাৰ্ডনিবাগ আৰক্ষী থানাক দিয়া হৈছিল। অভিযোগৰ পিছতো আৰক্ষীয়ে কোনো ব্যৱস্থা গ্ৰহণ নকৰিলে।
বিবেকৰ পিতৃ বিনোদ কুমাৰে অভিযোগ উত্থাপন কৰিছে যে দুয়োটি কিশোৰৰ চকু উলিয়াই দিছে হত্যাকাৰীয়ে। লগতে জিভা আৰু বুকুত ছুৰীৰে আঘাত কৰা চিন আছে। আনহাতে, দুয়োকে প্ৰথমে মাৰপিট কৰি তাৰ পিছত হত্যা কৰি মৃতদেহ পানীত পেলাই দিয়াৰ সম্ভাৱনাও আছে।
বাতৰি লিখাৰ সময়লৈকে আৰক্ষীৰ কোনো আনুষ্ঠানিক বিবৃতি অহা নাই। অৱশ্যে ঘটনাস্থলীত বৃহৎ সংখ্যক আৰক্ষী বাহিনী মোতায়েন কৰা হয়। আৰক্ষীয়ে ৰাইজক শান্ত কৰাৰ চেষ্টা চলাই আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
