অসম লাইভ ২৪ঃ জনপ্ৰিয় হিন্দী ধাৰাবাহিক পৱিত্ৰ ৰিস্তাৰ দ্বিতীয় খণ্ড শীঘ্ৰেই সম্প্ৰচাৰিত হ’ব। ধাৰাবাহিকখনক লৈ একাংশ দৰ্শকে উৎসুকতা প্ৰদৰ্শন কৰাৰ সমান্তৰালকৈ আন একাংশই বিৰুধীতা কৰিছে। পৱিত্ৰ ৰিস্তা-২ক লৈ অসন্তুষ্ট সুশান্তৰ অনুৰাগী। ছ’চিয়েল মিডিয়াত ট্ৰ’লৰ সন্মুখীন অভিনেত্ৰী অংকিতা লোখ’ন্দ। ইতিমধ্যেই আৰম্ভ কৰিছে ধাৰাবাহিকখনৰ শ্বুটিঙৰ কাম। ছ’চিয়েল মিডিয়াত শ্বুটিং আৰম্ভ হোৱাৰ কথা ঘোষণা কৰাৰ পাছতেই সুশান্ত সিং ৰাজপুতৰ অনুৰাগীয়ে তীক্ষ্ণ বাক্যবানেৰে সমালোচনা কৰিছে অভিনেত্ৰীগৰাকীক। ধাৰাবাহিকখন বয়কট কৰাৰো আহ্বান জনাইছে সুশান্তৰ অনুৰাগীয়ে। সম্প্ৰতি টুইটাৰৰ ট্ৰেণ্ডিংত আছে #BocottPavitraRishta2। ধাৰাবাহিকখনৰ মুখ্য চৰিত্ৰ ‘মানৱ’ৰ ভূমিকাত অন্য অভিনেতাক স্বীকাৰ নকৰে অনুৰাগীসকলে। উল্লেখ্য, পৱিত্ৰ ৰিস্তাৰ দ্বিতীয় খণ্ডত মানৱৰ চৰিত্ৰত অভিনয় কৰিব অভিনেতা শ্বাহীৰ শ্বেইখে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
