এতিয়া কংগ্ৰেছ দলত যোগদানৰ শাৰীত কৈ Exit Gateতহে বেছি ভিৰ! সামাজিক মাধ্যমত কি মজাৰ কাহিনী কি লিখিলে পীয়ুষ হাজৰিকাই?

অসম কংগ্ৰেছে প্ৰতিমাহৰ ১০ তাৰিখক তেওঁলোকৰ ‘যোগদান দিৱস’ হিচাপে ঘোষণা কৰিছিল আৰু দাবী কৰিছিল যে বহু লোকে কংগ্ৰেছ দলত যোগদান কৰিব!

কিন্তু আজি ১৭ তাৰিখতে দেখা গৈছে— তেওঁলোকৰ দলত যোগদান কৰা সদস্যতকৈ দল এৰি যোৱা লোকৰ সংখ্যাহে বেছি হৈছে। এতিয়া যি হাৰত কংগ্ৰেছ দলত পদত্যাগৰ জোৱাৰ উঠিছে, চকু টিপ মাৰি উঠিলেই এটাকৈ পদত্যাগৰ বাতৰি দেখা পাওঁ। এতিয়া কংগ্ৰেছ দলত যোগদানৰ শাৰীত কৈ Exit Gateতহে বেছি ভিৰ!’ 

ইফালে কংগ্ৰেছ নেতা প্ৰদ্যুত বৰদলৈয়ে মঙলবাৰে কংগ্ৰেছ দল ত্যাগ কৰিছে৷ প্ৰদ্যুত বৰদলৈয়ে দাখিল কৰিলে পদত্যাগ পত্ৰও৷ ইতিমধ্যে অমিত শ্বাহকো সাক্ষাৎ কৰিলে প্ৰদ্যুত বৰদলৈয়ে৷ গৌৰৱ গগৈ আৰু জীতেন্দ্ৰ সিঙে ঘৰলৈ গৈয়ো সৈমান কৰাব নোৱাৰিলে প্ৰদ্যুৎ বৰদলৈক৷ তেওঁ নতুন দিল্লীতে বিজেপিত যোগ দিয়াৰ সম্ভাৱনা আছে৷ বৰদলৈয়ে কংগ্ৰেছ ত্যাগ কৰাৰ পাছতেই পবিত্ৰ মাৰ্ঘেৰিটাই সামাজিক মাধ্যমত লিখিছে, ‘সনাতন সংস্কৃতিৰ প্ৰতি শ্ৰদ্ধাশীল আৰু বিজেপিৰ দৰ্শন-আদৰ্শত সংকল্পবদ্ধ হ’ব পৰা প্ৰতিজন ব্যক্তিৰ বাবেইতো বিজেপিৰ দুৱাৰ মুক্ত৷’