অসম লাইভ ২৪ঃ দেশে ১০০ কোটি ভেকচিনেচন সম্পূৰ্ণ কৰা উপলক্ষে আজি দেশবাসীক সম্বোধন কৰে প্ৰধানমন্ত্ৰী নৰেন্দ্ৰ মোদীয়ে৷ ভাৰতৰ এই সফলতাৰ বাবে দেশবাসীক শুভেচ্ছা আৰু অভিনন্দন জ্ঞাপন কৰে প্ৰধানমন্ত্ৰীগৰাকীয়ে৷ বিনামূলীয়াকৈ ১০০ কোটি ভেকচিন প্ৰদান কৰি ভাৰতে নজিৰ সৃষ্টি কৰিছে বুলিও উল্লেখ কৰে প্ৰধানমন্ত্ৰী মোদীয়ে৷ কোভিড মহামাৰীৰ বিৰুদ্ধে ভাৰতৰ যুঁজ সন্দৰ্ভত উঠা প্ৰশ্নৰো উত্তৰ দিয়ে মোডীয়ে৷ দেশবাসীক উদ্দেশ্যি কৰা আজিৰ ভাষণত ১০ টা কথাত গুৰুত্ব প্ৰদান কৰে প্ৰধানমন্ত্ৰী নৰেন্দ্ৰ মোদীয়ে-
- ২১ অক্টোবৰত ১০০ কোটি ভেকচিন সম্পূৰ্ণ কৰি ইতিহাস ৰচিলে ভাৰতে৷
- ই কেৱল এক পৰিসংখ্যা নহয়, ইতিহাসৰ এক নতুন অধ্যায়৷ এই বৃহৎ পৰিসংখ্যাই প্ৰমাণ কৰে যে ভাৰতে মহামাৰীৰ বিৰুদ্ধে কঠিন লক্ষ্যত উপনীত হ’ব পাৰিব৷
- ১০০ কোটি ভেকচিনেচনে প্ৰমাণ কৰে, নিজৰ লক্ষ্যত উপনীত হ’বলৈ ভাৰতে যথেষ্ট শ্ৰম কৰিছে৷
- ভাৰতে কোভিডৰ বিৰুদ্ধে কৰা যুঁজ সন্দৰ্ভত বিভিন্ন প্ৰশ্ন উত্থাপিত হৈ আহিছে৷ কিন্তু আজি ১০০ কোটি ভেকচিন সম্পূৰ্ণ হোৱাৰ তথ্যই সকলো প্ৰশ্ন উত্তৰ দিলে৷
- মহামাৰীয়ে ধনী-দুখীয়াৰ মাজত কেতিয়াও বৈষম্য নকৰে৷ আমাৰ ভেকচিনেচন অভিযানো বৈষম্যমূলক নহয়৷ ভাৰতৰ ভেকচিনেচন অভিযানত VIP সংস্কৃতিক প্ৰাধান্য দিয়া নহয়৷
- সম্প্ৰতি বিশ্বি ভাৰতক অধিক কোভিডমুক্ত হিচাপে বিবেচিত কৰিছে৷ ইয়াৰ লগে লগে ‘ফাৰ্মা হাব’ হিচাপে ভাৰতৰ গ্ৰহণযোগ্যতা অধিক বৃদ্ধি পাব৷
- দেশীয় আৰু বৰ্হিদেশীয় বিশেষজ্ঞই ভাৰতৰ অৰ্থনৈতিক ব্যৱস্থাক ইতিবাচক দৃষ্টিভংগীৰে গ্ৰহণ কৰে৷ বৰ্তমান ভাৰতীয় কোম্পানীসমূহে কেৱল ৰেকৰ্ড গঢ়াই নহয়, যুৱপ্ৰজন্মৰ বাবে নতুন নিয়োগৰ সুবিধা প্ৰদান কৰিছে৷
- কেৱল শ্ল’গানতেই নহয়, বৰ্তমান সময়ত ভাৰতে ‘মেড ইন ইণ্ডিয়া’ক বাস্তৱত প্ৰতিফলিত কৰিছে৷
- কোভিড মহামাৰীৰ বিৰুদ্ধে ভাৰতৰ প্ৰথম প্ৰচেষ্টা আছিল জনসাধাৰণৰ অংশগ্ৰহণ৷ প্ৰথম অৱস্থাত থালি বজাই ভাৰতৰ জনতাই এই আহ্বানক যিদৰে সমৰ্থন জনালে, সেয়া অভূতপূৰ্ব৷ কিন্তু বহুতৰে প্ৰশ্ন আছিল, এই প্ৰচেষ্টাই ভাৰতৰ ৰোগমুক্ত কৰাত সহায় কৰিবনে?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
