অসম লাইভ ২৪ঃ ‘সেই ৰামো নাই অযোধ্যাও নাই’ এই অপ্তবাক্যশাৰী সকলো সময়তে শুদ্ধ নহয়! ৰাম নাথাকিলেও সজাই তোলা হৈছে অযোধ্যা। প্ৰায় ১৫.৭৬ লাখ মাটি চকিৰ পোহৰৰ আলোকেৰে উজলি উঠিছে অযোধ্যা। উত্তৰ প্ৰদেশৰ মুখ্যমন্ত্ৰী যোগী আদিত্যনাথ চৰকাৰে দীপাবলী উপলক্ষ্যে সজাই তুলিছে ৰামনগৰী অযোধ্যাক। একেলগে ১৫.৭৬ লাখ চাকি জ্বলায়েই গীনিজ বুক অৱ ৰেকৰ্ডছত স্থান লাভ কৰিছে অযোধ্যাৰ দীপাৱলী উৎসৱে।
প্ৰধানমন্ত্ৰী নৰেন্দ্ৰ মোদী, ভক্তগণ আৰু জনসাধাৰণৰ উপস্থিতিত উজলি উঠিল অযোধ্যা। আনহাতে অযোধ্যা বিশ্ববিদ্যালয়ৰ একাংশ অধ্যাপকেও এই কাৰ্যসূচীত অংশগ্ৰহণ কৰে। বন্তি প্ৰজ্বলনৰ লগতে জয়শ্ৰী ৰাম ধ্বনিৰে মুখৰিত হৈ পৰে অযোধ্যা।
উল্লেখ্য যে ২০১৭ চনত পোনতে ১.৭৬ লাখ বন্তি প্ৰজ্বলনেৰে উত্তৰ প্ৰদেশত প্ৰথম এনে ৰাজহুৱা দীপাৱলী পালন কৰা হৈছিল। তাৰ পাছৰে পৰা প্ৰত্যেক বছৰে বৃদ্ধি কৰা হৈছে বন্তিৰ সংখ্যা। ২০১৮ বৰ্ষত অযোধ্যাত জ্বলোৱা হৈছিল ৩.০১ লাখ বন্তি, ২০১৯ বৰ্ষত ৪.০৪ লাখ, ২০২০ বৰ্ষত ৬.০৬ লাখ আৰু ২০২১ বৰ্ষত ৯.৪১ লাখ বন্তি প্ৰজ্বলনেৰে উজলি উঠিছিল অযোধ্যা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
