কোনে পাব কি মন্ত্ৰী পদ, চৰ্চিত তালিকাত অসমৰ এগৰাকীৰ নাম, উত্তৰ পূৱৰো আন ২গৰাকী
আজি নৰেন্দ্ৰ মোডীয়ে তৃতীয়বাৰৰ বাবে দেশৰ প্ৰধানমন্ত্ৰী হিচাপে শপত গ্ৰহণ কৰিব। শপত গ্ৰহণ কৰাৰ লগে লগে সৃষ্টি কৰিব ইতিহাসৰ। ইয়াৰ বাহিৰে আজিৰ শপত গ্ৰহণ অনুষ্ঠানত কোন কোন নেতাই পাব কেবিনেত মন্ত্ৰীৰ পদ। কেবিনেট তালিকাত উত্তৰ পূৱৰ তিনিগৰাকী লোকৰ নাম চৰ্চিত হৈছে। অসমৰো এগৰাকী লোকৰ নাম চৰ্চাত।
মোডী কেবিনেট ৩.০: মন্ত্ৰীসভাত কোন থাকিব… কি কি পদ পাব বিজেপিৰ মিত্ৰসকলে? আজি সন্ধিয়া নৰেন্দ্ৰ মোডীয়ে তৃতীয়বাৰৰ বাবে প্ৰধানমন্ত্ৰী হিচাপে শপত গ্ৰহণ কৰিবলৈ ওলাইছে যদিও বৰ্তমানলৈ কেবিনেটৰ মন্ত্ৰী পদ সম্পূৰ্ণ হোৱা নাই। অৱশ্যে ভিতৰুৱাকে সম্ভাৱ্য মন্ত্ৰীৰ তালিকা চূড়ান্ত কৰা হৈছে। কেৱল সদৰি কৰা হোৱা নাই।
বিজেপিৰ পাছত এন ডি এত সৰ্বাধিক আসন লাভ কৰা নীতিশ কুমাৰ আৰু চন্দ্ৰবাবু নাইডুৰ দলৰ বাবে এই সূত্ৰৰ সিদ্ধান্ত লোৱা হৈছে। শনিবাৰেও মোডী ৩.০ চৰকাৰত অধিক আসন আৰু হাই-প্ৰফাইল পৰ্টফলিঅ’ লাভৰ বাবে মিত্ৰশক্তিৰ দাবীক লৈ আলোচনা অব্যাহত থাকে। কিন্তু বিজেপি নেতৃত্বই এন ডি এৰ অংশীদাৰসকলক আশ্বাস দিয়াৰ লগতে তেওঁলোকৰ দাবী ‘যুক্তিসংগত সীমা’লৈ হ্ৰাস কৰিবলৈ কোৱাৰ ইংগিত পোৱা গৈছিল। সহকৰ্মীসকলক কোৱা হৈছে যে অপূৰণীয় ইচ্ছাসমূহ পিছত উপযুক্ত সময়ত বিবেচনা কৰা হ’ব।
প্ৰতিবেদন অনুসৰি, কেবিনেট কমিটীৰ চাৰিটা মন্ত্ৰালয় – গৃহ, প্ৰতিৰক্ষা, বিত্ত আৰু বৈদেশিক পৰিক্ৰমা বিভাগ মিত্ৰশক্তিৰ দলক দিয়া নহ’ব বুলি সূত্ৰই প্ৰকাশ কৰিছে। শিক্ষা, সংসদীয় পৰিক্ৰমা, সাংস্কৃতিক আৰু তথ্য আৰু সম্প্ৰচাৰ বিভাগো বিজেপিয়ে নিজৰ লগত ৰখাৰ সম্ভাৱনা আছে। তদুপৰি লোকসভাৰ অধ্যক্ষৰ পদো বিজেপিয়ে নিজৰ হাতত ৰাখিবলৈ প্ৰয়াস কৰিব বুলি জানিব পৰা গৈছে।
মিত্ৰশক্তিৰ কথা ক’বলৈ গ’লে তেওঁলোকৰ ১২-১৫ জন মন্ত্ৰীৰ প্ৰতিনিধিত্ব থাকিব পাৰে আৰু শিৰোমণি আকালি দলৰ সৈতেও আলোচনা চলি আছে। টিডিপি (১৬ জন সাংসদ) আৰু জেডি-ইউ (১২)ক এই ক্ষেত্ৰত আগস্থান দিয়া হৈছে। শিৱসেনা (৭) আৰু এলজেপি (৫)ক মন্ত্ৰীসভাত স্থান দিয়াৰ সম্ভাৱনা।
এইবাৰ কেবিনেটত কেইবাখনো নতুন মুখে মন্ত্ৰী পদ পোৱাৰ সম্ভাৱনা। বিহাৰৰ প্ৰাক্তন মুখ্যমন্ত্ৰী জিতন ৰাম মাঞ্জী, ৰাম মোহন নাইডু, ড০ চন্দ্ৰশেখৰ পেম্মাছানী, ৰাজীৱ ৰঞ্জন সিং ‘লল্লন’ , বিহাৰৰ মুখ্যমন্ত্ৰী নীতিশ কুমাৰ, সঞ্জয় ঝাক, চিৰাগ পাছৱোন আদি, অন্য হাতে মহিলা হিচাপে কংগনাৰ নামো এই ক্ষেত্ৰত হট ফেভাৰিট হিচাপে বিবেচিত হৈছে।
অসমৰ ফালৰ পৰা পূৰ্বৰ কেবিনেট মন্ত্ৰী ততা প্ৰাক্তন মুখ্যমন্ত্ৰী সৰ্বানন্দ সোণোৱাৰ নাম উল্লেখ আছে। ইয়াৰ বাহিৰে ত্ৰিপুৰাৰ বিপ্লৱ কুমাৰ দেৱ, চিকিমৰ কিৰণ ৰিজিজুৰ নাম চৰ্চিত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
