অসম লাইভ২৪ঃ আগন্তুক সপ্তাহতেই ছত্তিছগড়ৰ বিধানসভা নিৰ্বাচন। শনিবাৰে ছত্তিছগড়ত প্ৰচাৰৰ বাবে গৈছে প্রধানমন্ত্ৰী নৰেন্দ্ৰ মোদী। আগন্তুক ৫ বছৰলৈ ৮০ কোটিতকৈয়ো বেছি মানুহক বিনামূলীয়াকৈ ৰেচন যোগাৱ ধৰিব মোদী চৰকাৰে। মোদীয়ে এই সন্দৰ্ভত কয়, ‘আৰু ৫ বছৰলৈ দেশবাসীক বিনামূলীয়াকৈ খাদ্যশস্য সৰবৰাহ কৰিব কেন্দ্ৰই। প্ৰচাৰসভাত উপস্থিত হৈ জনতাৰ উদ্দেশ্যে মোদীয়ে কয়, ‘আমি সিদ্ধান্ত লৈছো, বিজেপি চৰকাৰে দেশৰ ৮০ কোটিতকৈয়ো বেছি দৰিদ্ৰ জনতাক বিনামূলীয়াকৈ ৰেচন দিয়াৰ প্ৰকল্প আৰু ৫ বছৰলৈ বৃদ্ধি কৰিব। মানুহৰ ভালপোৱা আৰু আশীৰ্বাদৰ বাবেই এই পবিত্ৰ সিদ্ধান্ত ল’বলৈ আমি শক্তি পাইছো।’
নিৰ্বাচনী প্ৰচাৰত শনিবাৰে প্ৰচাৰৰ বাবে গৈছে ছত্তিছগড়লৈ গৈছে প্ৰধানমন্ত্ৰী মোদী। সেই ৰাজ্যতেই এই মন্তব্য কৰিছে প্ৰধানমন্ত্ৰী মোদীয়ে। শুকুৰবাৰে ৰায়পুৰৰ এক জনসভাত ছত্তিছগড় বিধানসভা নিৰ্বাচনৰ বাবে বিজেপিৰ ইস্তাহাৰ প্ৰকাশ কৰিছে কেন্দ্ৰীয় মন্ত্ৰী অমিত শ্বাহে। এই ইস্তাহাৰৰ নাম দিয়া হৈছে, ‘মোদী কি গেৰেণ্টী ২০২৩’। সেই ইস্তাহাৰত কেইবাটাও প্ৰতিশ্ৰুতিৰ ওপৰিও স্বাস্থ্যবীমা প্ৰকল্প, ৰন্ধন গেছ প্ৰকল্প, দৰিদ্ৰ লোকক বিনমূলীয়াকৈ অযোধ্যাৰ ৰামমন্দিৰ দৰ্শনৰ কৰোৱাৰ প্ৰতিশ্ৰুতিও আছে। ইয়াৰপাছতেই শনিবাৰে প্ৰধানমন্ত্ৰীয়ে ছত্তীছগড়ত বিনামূলীয়াকৈ ৰেচন দিয়াৰো প্ৰতিশ্ৰুতি দিছে।
নিৰ্বাচনী বিশেষজ্ঞসকলৰ দাবী যে, বিধানসভা নিৰ্বাচনৰ ওপৰিও আসন্ন লোকসভাৰ কথা মূৰত ৰাখিয়েই মোদীয়ে এইসমূহ গেৰাণ্টি দিছে। প্ৰসংগত ২০২০ চনৰ কভিড মহামাৰীৰ সময়ত প্রধানমন্ত্ৰী গৰীব কল্যান অন্ন যোজনা প্ৰকল্প আৰম্ভ কৰিছিল। যাৰ অধীনত চৰকাৰে দেশবাসীক ৫ কিঃগ্ৰাঃ পৰ্যন্ত খাদ্যশস্য বিনামূলীয়াকৈ সৰবৰাহ কৰাৰ কথাও ঘোষণা কৰিছিল মোদীয়ে।
শনিবাৰে জনসভাত ভাষণ দিয়াৰ সময়ত মোদীয়ে ছত্তীছগড়ৰ ক্ষমতাহীন কংগ্ৰেছ চৰকাৰক কটাক্ষ কৰিছে মোদীয়ে। ছত্তীশগড়ৰ মুখ্যমন্ত্ৰী ভূপেশ বাঘেলৰ নাম নোলোৱাকৈ অনলাইনত বেআইনী জুৱা চলোৱা এপ ‘মহাদেৱ বেটিং এপ’ক লৈ কংগ্ৰেছক কটাক্ষ কৰিছে প্ৰধানমন্ত্ৰীয়ে। প্ৰচাৰসভাত মোদীয়ে জনতাক উদ্দেশ্যি কয়, ‘যিসকলে ছত্তীশগড়ত লুটপাত কৰিছে তেওঁলোকৰ বিৰুদ্ধে ব্যৱস্থা লোৱা হৈছে। প্ৰতি পইছাৰ হিচাপ তেওঁলোকে দিব লাগিব।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
