কাশী বিশ্বনাথৰ আৰ্হিতেই নিৰ্মাণ হ’ব কামাখ্যা কৰিডৰ! হিমন্ত বিশ্ব শৰ্মাক টুইটযোগে কি ক’লে প্ৰধানমন্ত্ৰী মোদীয়ে

অসম লাইভ২৪ঃ বাৰাণসীৰ কাশী বিশ্বনাথ মন্দিৰ কৰিডৰৰ আৰ্হিত ন’কৈ নিৰ্মাণ হ’ব গুৱাহাটীৰ কামাখ্যা মন্দিৰ। কামাখ্যা মন্দিৰৰ সৌন্দৰ্যবৰ্ধনৰ বাবেই এই পৰিকল্পনা হাতত হৈছে অসম চৰকাৰে। মুখ্যমন্ত্ৰী হিমন্ত বিশ্ব শৰ্মাই লোৱা এই পদক্ষেপক সঁহাৰি জনাই প্রধানমন্ত্ৰী নৰেন্দ্ৰ মোদীয়েও টুইটযোগে সমৰ্থন কৰিছে। মুখ্যমন্ত্ৰী হিমন্ত বিশ্ব শৰ্মাই মঙলবাৰে অসম চৰকাৰৰ কামাখ্যা কৰিডৰ প্ৰকল্পৰ কথা টুইটতযোগে প্ৰকাশ কৰিছিল। নতুনকৈ নিৰ্মাণ কৰাৰ পাছত কামাখ্যা পাহাৰৰ মন্দিৰ দেখাত কেনে হ’ব তাৰো এনিমেশ্বন ভিডিঅ’ পোষ্ট কৰিছে মুখ্যমন্ত্ৰীগৰাকীয়ে। হিমন্ত বিশ্ব শৰ্মাৰ এই টুইটটো বৃহস্পতিবাৰে মোদীয়ে আকৌ ৰি-টুইট কৰিছে।

I am sure Maa Kamakhya corridor will be a landmark initiative.

Kashi Vishwanath Dham and Shree Mahakal Mahalok have been transformative as far as the spiritual experience is concerned. Equally important is the fact that tourism is enhanced and the local economy gets a boost. https://t.co/le8gmNrSNv

— Narendra Modi (@narendramodi) April 19, 2023

প্ৰধানমন্ত্ৰীগৰাকীয়ে টুইটত লিখিছে, ‘মই নিশ্চিত, মা কামাখ্যাৰ কৰিডৰ নিৰ্মাণ এক যুগান্তকাৰী পদক্ষেপ হ’ব। আধ্যাত্মিক অভিজ্ঞতাৰ দিশেৰে কাশী বিশ্বনাথ ধাম আৰু শ্ৰী মহাকাল মহালোক(কামাখ্যা) যুগান্তকাৰী মন্দিৰ হৈ ধৰা দিব। ইয়াৰ সৈতে গুৰুত্বপূৰ্ণ আন এটি বিষয় হৈছে এই পদক্ষেপৰ পাছতেই মন্দিৰটো আকৰ্ষণীয় হোৱাৰ উপৰিও স্থানীয় অৰ্থনীতিও টনকীয়াল হ’ব।

উল্লেখ্য যে, ২০২১ চনত বাৰাণসীৰ কাশী বিশ্বনাথ কৰিডৰৰ আনুষ্ঠানিক উদ্বোধন কৰিছিল মোদীয়ে। কাশী বিশ্বনাথ মন্দিৰৰ পৰা গংগাৰ পাৰ পৰ্যন্ত ৫ লাখ বৰ্গফুট এলেকাক সজাই পৰাই তোলা হৈছিল।স ২০১৯ চনতেই এই কাৰ্যৰ শুভাৰম্ভ কৰিছিল মোদীয়ে। তাৰপাছতেই ৩৩৯ কোটি টকা ব্যয়েৰে ২০২১ চনত এই কৰিডৰৰ নিৰ্মাণকাৰ্য সম্পূৰ্ণ হয়। কিন্তু কামাখ্য মন্দিৰৰ পুনৰ নিৰ্মাণত কিমান ধন খৰচ হ’ব সেই সম্পৰ্কে কোনো তথ্য বৰ্তমানো প্ৰকাশ কৰা নাই হিমন্ত নেতৃত্বাধীন চৰকাৰখনে।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ