যিসকলে প্ৰতিমাহে কিছু পৰিমাণে ধন সঞ্চয় কৰিব পাৰে তেওঁলোকে ভৱিষ্যতে ভাল পৰিমাণৰ ধন জমা কৰিব পাৰে৷ পোষ্ট অফিচ ৰেকাৰিং ডিপোজিট এনে ধৰণৰ সঞ্চয়শীল মনৰ মানুহৰ বাবে ভাল প্ৰকল্প৷ পোষ্ট অফিচত ধন সম্পূৰ্ণ নিৰাপদেই নহয় ভাল ৰিটাৰ্ণো আপুনি ইয়াত লাভ কৰিব পাৰে৷ ধৰা হ’ল কোনোৱে পোষ্ট অফিচৰ আৰ ডি স্কিমত ২০০০, ৩০০০ অথৱা ৫০০০ কৈ ধন জমা কৰিলে ৫ বছৰৰ পাছত যেতিয়া এই স্কিম মেচিউৰ হ’ব তেতিয়া মুঠ কিমান টকা লাভ কৰিব আপুনি৷ জানি থওক পোষ্ট অফিচৰ আৰ ডিৰ বৰ্তমান সুদৰ হাৰ কিমান? মনত ৰখা দৰকাৰ যে পোষ্ট অফিচৰ আৰ ডি সুদৰ হাৰ চৰকাৰে প্ৰতি তিনিমাহত সংশোধন কৰে৷ আমি ১ এপ্ৰিল ২০২৫ৰ পৰা ৩০ জুন ২০২৫ পৰ্যন্ত প্ৰযোজ্য সুদৰ হাৰ ধৰি এই হিচাপ কৰিছো৷
১. পোষ্ট অফিচৰ আৰ ডি স্কিম ইমান বিশেষ
পোষ্ট অফিচ ৰেকাৰিং ডিপোজিট হৈছে এক ক্ষুদ্ৰ সঞ্চয় প্ৰকল্প য’ত ৫ বছৰৰ বাবে প্ৰতিমাহে এক নিৰ্দিষ্ট পৰিমাণৰ ধন জমা কৰা হয়৷ যিসকলে এককালীনভাৱে প্ৰচুৰ পৰিমাণে ধন বিনিয়োগ কৰিব নোৱাৰে তেওঁলোকে নিয়মিত সৰু সঞ্চয় কৰিব পাৰ৷
নিৰাপত্তাৰ নিশ্চয়তা- ভাৰত চৰকাৰৰ অধীনত এই প্ৰকল্পসমূহ থকাৰ বাবে ইয়াত ধন বিনিয়োগ একেবাৰেই নিৰাপদ৷ ইয়াত ধন হেৰুৱাৰ কোনো ভয় নাই৷
স্থিৰ ৰিটাৰ্ণ- ইয়াত সুদ পূৰ্বৰে পৰাই নিৰ্ধাৰিত থাকে, সেয়ে বিনিয়োগকাৰীয়ে জানে যে মেচিউৰিটিত কিমান ধন পাব৷
সৰু সৰু প্ৰকল্পও ল’ব পাৰে- প্ৰতি মাহে মাত্ৰ ১০০ টকাকৈ আৰ ডি আৰম্ভ কৰিব পাৰে৷
ঋণৰ সুবিধা- কিছু চৰ্ত সাপেক্ষে আৰ ডি একাউণ্টৰ পৰা ঋণ পাব পাৰি৷
নমিনিৰ সুবিধা- বিনিয়োগকাৰীয়ে নিজৰ একাউণ্টৰ বাবে কাৰোবাক নমিনি কৰিব পাৰে৷
২. পোষ্ট অফিচৰ আৰ ডি স্কিমত বৰ্তমান সুদৰ হাৰ কিমান?
চৰকাৰে প্ৰতি তিনিমাহত ক্ষুদ্ৰ সঞ্চয় প্ৰকল্পৰ সুদৰ হাৰ পৰ্যালোচনা কৰে৷ ১ এপ্ৰিল ২০২৫ৰ ৩০ জুন ২০২৫ পৰ্যন্ত তিনিমাহৰ বাবে পোষ্ট অফিচৰ ৫ বছৰৰ ৰেকাৰিং ডিপোজিটত সুদৰ হাৰ বাৰ্ষিক ৬.৭শতাংশ৷ এই সুদ তিনিমাহৰবাবে চক্ৰবৃদ্ধি কৰা হয়, যাৰ অৰ্থ প্ৰতি তিনি মাহৰ অন্তৰে অন্তৰে প্ৰাপ্ত সুদ মূল পৰিমাণত যোগ কৰা হয় আৰু পৰবৰ্তী কিনি মাহৰ বাবে ইয়াৰ ওপৰত সুদো পোৱা যায়৷ ইয়াৰফলত বিনিয়োগকাৰীৰ ধন দ্ৰুত বৃদ্ধি পায়৷
৩. ২০০০, ৩০০০ আৰু ৫০০০ টকাৰ RDত ৫ বছৰত ৰিটাৰ্ণ কিমান?
এই হিচাপ আমি ৬.৭শতাংশ বাৰ্ষিক সুদৰ হাৰৰ ওপৰত ভিত্তি কৰি গণনা কৰিছো৷
যদি কোনোৱে প্ৰতিমাহে ২০০০ টকাকৈ জমা কৰে তেন্তে তেওঁ ৫ বছৰত বা ৬০ মাহত মুঠ জমা কৰিব ২০০০x৬০=১২০,০০০ টকা৷
ইয়াত আনুমানিক সুদ লাভ হব প্ৰায় ২১৯৮৩ টকা৷
মেচিউৰিটিত প্ৰাপ্ত মুঠ ধনৰ পৰিমাণ হব প্ৰায় ১৮১, ৯৮৩ টকা৷
কোনোৱে যদি প্ৰতিমাহে ৩০০০ কৈ জমা কৰে তেন্তে
৫ বছৰত অৰ্থাৎ ৬০ মাহত মুঠ জমা হব ৩০০০x৬০= ১,৮০,০০০টকা৷
ইয়াত আনুমানিক সুদ পাব প্ৰায় ৩২৯৭৫ টকা৷
মেচিউৰিটিত প্ৰাপ্ত মুঠ পৰিমাণ হ’ব ২,১২,৯৭৫ টকা৷
কোনোৱে যদি প্ৰতিমাহে ৫০০০ কৈ জমা কৰে তেন্তে
৫ বছৰত অৰ্থাৎ ৬০ মাহত তেওঁৰ মুঠ জমা হ’ব ৫০০০x৬০= ৩০০,০০০ টকা৷
ইয়াত আনুমানিক সুদ লাভ কৰিব প্ৰায় ৫৪৯৫৮ টকা৷
মেচিউৰিটিত আপুনি লাভ কৰিব প্ৰায় ৩৫৮,৯৫৮ টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
