ক্ৰিকেট বিশ্বত ইতিমধ্যেই আলোচনাৰ কেন্দ্ৰ হৈ উঠিছে ১৫ বছৰীয়া তৰুণ ক্ৰিকেটাৰ বৈভৱ সূৰ্যবংশীৰ নাম৷ কম বয়সতেই তেওঁৰ বেটিং প্ৰতিভাই নজৰ কাঢ়িছে দেশ বিদেশৰ ক্ৰিকেটপ্ৰেমীসকলৰ৷ আই পি এলৰ দুটা চিজনত তেওঁ ৰাজস্থান ৰয়েলছৰ হৈ খেলাৰ সুযোগ পাইছে তেওঁ৷
চলিত বছৰত এক কোটিতকৈ বেছি টকাত দলে ক্ৰয় কৰিছে৷ ফলত স্বাভাৱিকভাৱেই প্ৰশ্ন উঠিছে, ১৮ বছৰতকৈ কম বয়সীয়া কোনো ক্ৰিকেটাৰ বিপুল পৰিমাণৰ অৰ্থ উপাৰ্জন কৰিলেও সেই অৰ্থৰ ওপৰত তেওঁৰ অধিকাৰ কিমান থাকিব আৰু কেনেকৈ সেই অৰ্থ পৰিচালিত কৰিব?
সেই বিষয়ত চাৰ্টাৰ্ড একাউণ্টে কয় যে ভাৰতত কোনো ক্ৰিকেটাৰেই আইপিএল, বিজ্ঞাপন বা অন্যান্য ক্ৰিকেট সংক্ৰান্তিয় চুক্তিৰ পৰা ডাঙৰ অংকৰ অৰ্থ উপাৰ্জন কৰিলে সেই অৰ্থৰ প্ৰকৃত মালিক তেওঁ নিজেই৷ আইনগতভাৱে অপ্ৰাপ্তবয়স্ক হোৱাত সেই টকা ব্যৱহাৰৰ ক্ষমতা তেওঁৰ হাতত নাই৷ সাধাৰণতে পিতৃ-মাতৃ বা আইনগত অভিভাৱকে সেই টকা পইছা কেনেকৈ খৰচ কৰিব বা বিনিয়োগ কৰিব সেয়া নিৰ্ধাৰণ কৰিব৷ চাৰ্টাৰ্ড একাউণ্টে লগতে জনাইছে যে এজন মাইনৰৰ নিজস্ব বেংক একাউণ্ট থাকিব পাৰে৷ তেওঁৰ ফিক্সড ডিপোজিট আৰু অন্যান্য নিৰাপদ পলিচিতো বিনিয়োগ কৰিব পাৰে৷
ভৱিষ্যতৰ কথা মূৰত ৰাখি মিউচুৱেল ফাণ্ড, চৰকাৰী বণ্ড, ইডুকেছন ফাণ্ড কিম্বা আইনগত চৰ্ত মানি সম্পত্তিতো বিনিয়োগ কৰিব পাৰে৷ কৰ সংক্ৰান্তিয় বিষয়তো আছে গুৰুত্বপূৰ্ণ নিয়ম৷ খেলুৱৈসকলে আয়কৰ ৰিটাৰ্ণ জমা দিয়া আৰু প্ৰয়োজনত চাৰ্টাৰ্ড একাউণ্টৰ পৰামৰ্শ লোৱা অত্যন্ত জৰুৰী৷ ইয়াৰোপৰি ভাৰতৰ আইনত কোনো মাইনৰে সাধাৰণতে নিজে কোনো বাধ্যতামূলক বাণিজ্যিক চুক্তি কৰিব নোৱাৰে৷ সেয়ে আইপিএল চুক্তি কিংবা বিজ্ঞাপনী চুক্তিৰ ক্ষেত্ৰত অভিভাৱকে তেওঁলোকৰ পক্ষৰ পৰা স্বাক্ষৰ কৰে৷
খেলুৱৈসকলৰ শিক্ষা, প্ৰশিক্ষণ, ক্ৰিকেট সৰঞ্জাম, ভ্ৰমণ আৰু অন্যান্য বৈধ প্ৰয়োজনত এই অৰ্থ ব্যৱহাৰ কৰা সম্ভৱ৷ ১৮ বছৰ বয়স পূৰ্ণ হোৱাৰ পূৰ্বে সম্পদৰ পূৰ্ণ নিয়ন্ত্ৰণ তেওঁৰ হাতত নাথাকে৷ প্ৰাপ্তবয়স্ক হোৱাৰ পাছত তেওঁ নিজৰ উপাৰ্জন আৰু সম্পদৰ ওপৰত সম্পূৰ্ণ আইনগত অধিকাৰ লাভ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
