সোমবাৰে ওড়িশাৰ জগন্নাথ মন্দিৰত উদযাপন কৰিব দেৱস্নান পূৰ্ণিমা। বিশ্ববিখ্যাত ৰথ যাত্ৰাৰ ঠিক আগতে উদযাপিত এই উৎসৱত ভগৱান জগন্নাথ, দেৱী সুভদ্ৰা, আৰু ভগৱান বলভদ্ৰক স্নান কৰা হয়। বছৰটোৰ এইটোৱেই একমাত্ৰ অনুষ্ঠান য’ত ভক্তৰ সন্মুখত তিনি দেৱতাক গা ধোৱা হয়।
প্ৰতি বছৰে জুন বা জুলাই মাহত পূব ভাৰতৰ কেইবাখনো ৰাজ্যত ৰথ যাত্ৰা উদ্যাপন কৰা হয়। জগন্নাথ আৰু আন দুই সম্বন্ধীয় দেৱতাৰ ছবি পুৰীৰ জগন্নাথ মন্দিৰৰ গৰ্ভগৃহৰ পৰা বাহিৰলৈ অনা হয়। ৰথত ৰাখি অনেক ভক্তই ৩ কিলোমিটাৰ দূৰৰ গুণ্ডিচা মন্দিৰলৈ এই ৰথ লৈ যায়। কেইদিনমান সেই মন্দিৰত দেৱতাকেইগৰাকীক ৰখাৰ পাছত তেওঁলোকক পুনঃ নিজৰ মন্দিৰলৈ লৈ যোৱা হয়। পুৰীৰ মন্দিৰৰ লগতে সমগ্ৰ বিশ্বতে আন আন জগন্নাথ মন্দিৰতো একেই ধৰণে যাত্ৰাৰ আয়োজন কৰা হয়। লক্ষ লক্ষ ভক্ত পুৰীলৈ প্ৰতি বছৰে যায় জগন্নাথৰ ৰথত চাবলৈ।
ঠাণ্ডা পানীত গা ধুই ১৫ দিনলৈকে দৰ্শন নিদিয়ে ভগৱানে
গৰমৰ পৰা সকাহ দিবলৈ দেৱতাক ১০৮ টা পাত্ৰ ঠাণ্ডা পানীত স্নান কৰোৱা হয়। এই পানী মন্দিৰৰ উত্তৰ দিশত অৱস্থিত সোণালী কুঁৱাৰ পৰা আনে। বিশ্বাস কৰা হয় যে এই ৰাজস্নান অনুষ্ঠানৰ ফলত তিনিওজন দেৱতা অসুস্থ হৈ পৰে আৰু ১৫ দিন ৰাজহুৱা দৰ্শনৰ পৰা আঁতৰি থাকে। এই সময়ছোৱাক ‘অনাৱসৰ’ যুগ বুলি কোৱা হয়। ই জ্যেষ্ঠ পূৰ্ণিমাৰ পৰা আহাৰ অমাৱস্যলৈকে চলি থাকে। এই দিনবোৰত ভক্তৰ আগত দেৱতাবোৰ দেখা নাযায়। সেয়েহে বিকল্প মূৰ্তি হিচাপে ভগৱান জগন্নাথ, দেৱী সুভদ্ৰা, আৰু ভগৱান বলভদ্ৰৰ পট্টা চিত্ৰ মন্দিৰত পূজা কৰা হয়। এই ছবিবোৰ দৰ্শনৰ বাবে ৰখা হয়। ১৫ দিনৰ পিছত দেৱতাগৰাকীয়ে তেওঁৰ ‘নতুন যৌৱন ৰূপ’ত আবিৰ্ভাৱ হয়।
কোলাহল নিষিদ্ধ, আনকি মন্দিৰত ঘণ্টা বাজি নাযায়
পৰম্পৰা অনুসৰি অসুস্থ দেৱতাক ৰাজ বৈদ্যৰ তত্বাৱধানত নিৰ্জন কক্ষত ৰখা হয়। কোৱা হয় যে ৰাজ বৈদ্যৰ আয়ুৰ্বেদিক ঔষধে (পঞ্চন) দুসপ্তাহৰ ভিতৰতে দেৱতাসকলক সুস্থ কৰি তোলে। কোলাহলে যাতে দেৱতাক অশান্তি নপৰে তাৰ বাবে মন্দিৰ চৌহদত কোনো ধৰণৰ ঘণ্টা বাজি নাযায়। এই সময়ছোৱাত মন্দিৰৰ ভিতৰত কোনো ধৰণৰ নিৰ্মাণকাৰ্য নহয়। স্নান উৎসৱৰ পৰিপ্ৰেক্ষিতত সোমবাৰে ৩ৰ পৰা ৪ লাখ ভক্তই পুৰীত উপস্থিত হোৱাৰ সম্ভাৱনা আছে। পুৰী চহৰত ৭৯টা প্লাটুন আৰক্ষী বাহিনী মোতায়েন কৰা হৈছে। সমগ্ৰ মহানগৰীত স্থাপন কৰা হৈছে চিচিটিভি কেমেৰা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
