আমেৰিকাৰ ৰাজপথত বৰ্ণ বৈষম্যৰ বলি হৈছে ভাৰতীয় মহিলা। আনকি ভাৰতীয় মহিলাক ৰাজহুৱা স্থানত গুলীওৱাৰ ভাবুকিও দিয়া হৈছিল। এই ঘটনাটো সামাজিক মাধ্যমত ভাইৰেল হোৱাৰ পিছতে সামাজিক মাধ্যমৰ লগতে সংবাদ মাধ্যমতো চাঞ্চল্যৰ সৃষ্টি হৈছে৷
এই বৰ্ণ বৈষম্যৰ ঘটনাটো সংঘটিত হৈছে মাৰ্কিন যুক্তৰাষ্ট্ৰৰ টেক্সাছৰ প্লেনোৰ ছিক্সটি ভিন ৰেষ্টুৰেণ্টৰ বাহিৰৰ এক পাৰ্কিং লটত৷ এগৰাকী শ্বেতাংগ আমেৰিকান মহিলাই কেইগৰাকীমান ভাৰতীয়-আমেৰিকান মহিলাক বৰ্ণবাদী মন্তব্য কৰি চিঞৰি থকা দেখা গৈছে।
ভিডিঅ’টোত অভিযুক্ত মহিলাগৰাকীয়ে এগৰাকী ভাৰতীয় মহিলাৰ মুখত ঘুচা মাৰি ফোন কাঢ়ি নিবলৈ চেষ্টা কৰা দেখা গৈছে। অভিযুক্ত মহিলাগৰাকীয়ে ভাৰতীয় মহিলাসকলৰ লগতে ভাৰতীয়সকলকো অতি কঠোৰ ভাষাৰে নিৰ্যাতন চলাই আমেৰিকা ত্যাগ কৰিবলৈ কোৱা দেখা গৈছে।
লগতে পঢ়ক সঁচাই চৰকাৰী কৰ্মচাৰীৰ মৰগীয়া ভাত্তা বৃদ্ধি হৈছে নে? কি কয় বিত্ত মন্ত্ৰণালয়ৰ তথ্যই?
এগৰাকী ভাৰতীয় মহিলাগৰাকীয়ে এই সমগ্ৰ ঘটনা ৰেকৰ্ডিং কৰি থকাৰ সময়তে অভিযুক্তই তেওঁৰ ফালে আহি ফোনৰ কেমেৰাটো বন্ধ কৰিবলৈ কয়। কিন্তু এই কথা মানি নলোৱাৰ বাবে তেওঁলোকক গুলীয়াই হত্যা কৰাৰো ভাবুকি দিয়ে।
ভাৰতীয় মহিলাসকলৰ অভিযোগৰ ভিত্তিত ইতিমধ্যে অভিযুক্ত মহিলাগৰাকীক আৰক্ষীয়ে গ্ৰেপ্তাৰ কৰিছে।
প্লেনো আৰক্ষী বিভাগৰ এগৰাকী বিষয়াই জনোৱা মতে, অভিযুক্ত মহিলাগৰাকীৰ নাম এছমেৰাল্ডা আপটন। বৃহস্পতিবাৰে তেওঁক গ্ৰেপ্তাৰ কৰা হয়। তেওঁৰ বিৰুদ্ধে আক্ৰমণ, ভাবুকি আৰু বৰ্ণবাদী মন্তব্য কৰাৰ অভিযোগ উত্থাপন হৈছে। আৰক্ষীয়ে লগতে জানিবলৈ দিয়ে যে ঘটনাৰ সবিশেষ তদন্ত অব্যাহত আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
