উত্তৰ প্ৰদেশৰ মৌ জিলাৰ কোপাগঞ্জ থানাৰ অন্তগৰ্ত বসৰথপুৰ গ্ৰাম সভাত বসবাস কৰা এজন ব্যক্তিৰ খবৰে দেশৰ সংবাদ মাধ্যমত চৰ্চা লাভ কৰিছে৷ পত্নীৰ ভয়ত লোকজনে প্ৰায় এমাহ দিন ১০০ ফুট উচ্চতাৰ তাল গছতে দিন অতিবাহিত কৰিছে৷
প্ৰকাশিত খবৰ অনুসৰি, ৰামপ্ৰৱেশ নামৰ লোকজনৰ পত্নীৰ সৈতে সঘনাই হৈ থকা কাজিয়াৰ সৃষ্টি হয়৷ পত্নীৰে হোৱা কাজিয়াত অতিষ্ঠ আৰু শংকিত হৈ ৰামপ্ৰৱেশে ১০০ ফুট উচ্চতাৰ তাল গছতে জীৱন অতিবাহিত কৰিবলৈ ধৰিছে৷
ৰামপ্ৰবেশৰ পিতৃ বিশুনৰামে কৈছে যে ৰামপ্ৰৱেশৰ পত্নীয়ে প্ৰতিদিনে কাজিয়া কৰি মাৰপিট কৰাৰ বাবে ৰামপ্ৰৱেশে গছজোপাৰ ওপৰত থাকিবলৈ বাধ্য হৈছে। ৰামপ্ৰৱেশৰ পিতৃ বিশুনৰামে আৰু কয় পত্নীৰ এই মনোভাৱত ৰামপ্ৰৱেশ ইমানেই বিচলিত হৈছিল যে এমাহ ধৰি তেওঁ গছজোপাৰ ওপৰতে জীয়াই আছে। ইফালে পৰিয়ালৰ লোকে ৰামপ্ৰৱেশৰ বাবে খাদ্য আৰু পানী ৰচীত বান্ধি থয় আৰু ৰামপ্ৰৱেশে ৰচীৰেৰে ওপৰলৈ টানি নিয়ে৷
লগতে পঢ়ক আমেৰিকাত বৰ্ণ বৈষম্যৰ বলি ভাৰতীয় মহিলা! আমেৰিকা ত্যাগ কৰিবলৈ ভাবুকি
কোনো লোকে ৰামপ্ৰৱেশক তললৈ মাতিবলৈ গ’লে তাল গছৰ ওপৰৰ পৰা শিল-ইটা টুকুৰা দলিয়াই আক্ৰমণ কৰে৷ ৰাতি সুযোগ বুজি কোনোবা সময়ত ৰামপ্ৰৱেশে তললৈ নামি আহি শিল-ইটাৰ টুকুৰাবোৰ ওপৰলৈ লৈ যায়৷ ৰামপ্ৰৱেশে শৌচ কৰিবলৈও ৰাতিয়ে সুযোগ বুজি কোনোবা এটা সময়ত তললৈ নামি আহি সেয়া সমাপন কৰি পুনৰ গছজোপাৰ ওপৰলৈ উঠি যায় ৷
ৰামপ্ৰৱেশৰ এনে কাণ্ডত গাঁওবাসী ক্ষুব্ধ হৈ উঠিছে। তেওঁলোকে কয় যে ৰামপ্ৰৱেশ গছজোপাৰ ওপৰত থকাৰ বাবে তেওঁলোকৰ গোপনীয়তাৰ ক্ষেত্ৰত প্ৰভাৱ পৰিছে৷ কাৰণ সেই গছজোপা গাঁৱৰ মাজত আছে আৰু সকলোৰে ঘৰৰ চোতালখন তাৰ পৰা দেখা পোৱা যায়।
গাঁওবাসীয়েও ৰামপ্ৰবেশক লৈ আৰক্ষীক অভিযোগ কৰিছে যদিও আৰক্ষীয়েও ৰামপ্ৰবেশক গছৰ পৰা নমাই আনিবলৈ ব্যৰ্থ হোৱা বুলিও জানিব পৰা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
