ভাৰত-নিউজিলেণ্ডৰ খেলত চমৎকাৰ কৰি দেখুৱালে ৰাধাই, উৰি গৈ ধৰিলে বল
পুৰুষৰ ভাৰত-নিউজিলেণ্ডৰ খেলৰ সমান্তৰালকৈ এইবাৰ মহিলাৰ ভাৰত-নিউজিলেণ্ড খেল। পুৰুষৰ টেষ্ট খেল ভাৰতীয় দলটোৱে দুখন টেষ্ট খেল নিউজিলেণ্ডৰ হাতত পৰাস্ত হৈছে। আনহাতে আজিৰে পৰা আৰম্ভ হৈছে মহিলাৰ ভাৰত আৰু নিউজিলেণ্ডৰ মাজত এদিনীয়া শৃংখলা।
আজিৰে পৰা অনুষ্ঠিত হৈ থকা ৩খন মেচৰ এদিনীয়া শৃংখলাৰ দ্বিতীয়খন মেচ ২৭ অক্টোবৰত অনুষ্ঠিত হ’ব। এই মেচত প্ৰথমে বেটিং কৰিছে নিউজিলেণ্ডে। ৫০ অভাৰত কেউটা উইকেট হেৰুৱাই ২৫৯ ৰান কৰে নিউডিলেণ্ড দলটোৱে। ভাৰতীয় দলত ২৬০ ৰানৰ লক্ষ্য বান্ধি দিয়ে।
এই খেলতে ভাৰতৰ ৰাধা যাদৱে ধৰা এটা কেচ সামাজিক মাধ্যমত ভাইৰেল হৈ পৰিছে। ৰাধা যাদৱে ছুপাৰমেনৰ দৰে উৰি গৈ বিপক্ষৰ এটা উইকেট দখল কৰে। ৩১.৩ অভাৰত এই কেচ ধৰে ৰাধাই। মাটিৰ পৰা ২ ফুট ওপৰত উৰি থকা ফটো ছ’চিয়েল মিডিয়াত ভাইৰেল হৈ পৰিছে।
ভাল ফিল্ডিঙৰ উপৰিও ৰাধা যাদৱেও ভাল বলিঙো কৰে। তেওঁৰ ১০ অভাৰত ৪ উইকেট দখল কৰি ৬৯ ৰান খৰচ কৰে।
বৰ্তমানে ভাৰতীয় মহিলা দলে বেটিং কৰি আছে। ৬ অভাৰত ৩ টা উইকেট হেৰুৱাই ৩২ ৰান কৰিছে।
ভাৰতীয় দলৰ একাদশ-
স্মৃতি মান্ধনা, শ্বেফালি ভাৰ্মা, যস্তিকা ভাটিয়া (wk), হৰমনপ্ৰীত কৌৰ (অধিনায়ক), জেমিমাহ ৰড্ৰিগেছ, তেজল হাছেবনিছ, দীপ্তি শৰ্মা, ৰাধা যাদৱ, অৰুন্ধতী ৰেড্ডী, ছাইমা ঠাকোৰ, প্ৰিয়া মিশ্ৰ।
নিউজিলেণ্ড একাদশ-
চুজি বেটছ, জৰ্জিয়া প্লিমাৰ, লৰেন ডাউন, ছফী ডেভাইন (গ), ব্ৰুক হেলিডে, মেডী গ্ৰীণ, ইছাবেলা গেজ, জেছ কেৰ, লি টাহুহু, ইডেন কাৰ্ছন, ফ্ৰাণ জ’নাছ।
https://x.com/CricCrazyJohns/status/1850481012268302815
https://x.com/CricCrazyJohns/status/1850481012268302815
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
