অসম লাইভ ২৪ঃ শীঘ্ৰে সমৰ শক্তি বৃদ্ধি পাব ভাৰতৰ। শক্তিশালী যুঁজাৰু বিমানেৰে বলশালী হৈ উঠিব ভাৰতীয় সেনা। চীন-পাকিস্তানৰ বাবে মূৰৰ কামোৰণি হৈ উঠিব ভাৰতীয় সেনা। বহু বিতৰ্কৰ অন্তত জুলাইৰ শেষ ভাগত ভাৰতত অবতৰণ কৰিবহি যুঁজাৰু বিমান ৰাফেলে। ২৭ জুলাইত ছখন ৰাফেল বিমানে ভাৰতৰ ভূমি স্পৰ্শ কৰাৰ সম্ভাৱনা আছে। ভাৰতীয় বায়ুসেনাৰ অম্বালা বিমানকোঠত অবতৰণ কৰিব ৰাফেলে। উল্লেখ্য আকাশমাৰ্গতে ইন্ধন ভৰোৱাৰো অত্যাধুনিক ব্যৱস্থা আছে ৰাফেল যুঁজাৰু বিমানত। ইতিমধ্যে ফ্ৰান্সৰ লগত ৩৬ খন যুঁজাৰু ৰাফেল বিমানৰ চুক্তি সম্পন্ন হৈ আছে ভাৰতৰ। ফ্ৰান্সৰ পৰা ভাৰতীয় পাইলটে লৈ আহিব বিমানকেইখন। সংবাদসূত্ৰ অনুসৰি ইতিমধ্যে ভাৰতীয় বায়ুসেনাক ৰাফেল চালনাৰ প্ৰশিক্ষণ প্ৰদান কৰা হৈছে। উল্লেখ্য, সীমান্তত চীনা আগ্ৰাসনৰ সময়তে শুকুৰবাৰে প্ৰধানমন্ত্ৰী নৰেন্দ্ৰ মোদীয়ে লাডাখত উপস্থিত হৈ সকীয়নি দিছিল শত্ৰুক। প্ৰধানমন্ত্ৰীৰ লাডাখ ভ্ৰমণে জোকাৰি গৈছিল বেইজিং পৰ্যন্ত। এইবাৰ ৰাফেলৰ আগমনে চীনত ধাৰাবাহিক ভূমিকম্পৰ সৃষ্টি কৰাৰ সম্ভাৱনাই অধিক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
