ভাৰতীয় ৰে’লৱেত বিশেষ সুবিধা, ATM সংযোজিত হ’ল ৰে’লত
ভাৰতীয় ৰেলৱেৰ বিশেষ সিদ্ধান্ত, এতিয়াৰে পৰা ৰেলত পাব এ টি এম সুবিধা। ভাৰতত প্ৰথমবাৰৰ বাবে ৰে’লৰ ভিতৰত এটিএম মেচিন স্থাপন কৰা হৈছে। প্ৰথম এনে পৰীক্ষা মহাৰাষ্ট্ৰৰ মনমদ-চি এছ এম টি পঞ্চৱতী এক্সপ্ৰেছ (ট্ৰেইন নং ১২১১০)ত কৰা হৈছে।
এই পদক্ষেপৰ নাম ৰখা হৈছে – ATM on Wheels। ৰে’ল মন্ত্ৰী অশ্বিনী বৈষ্ণৱে এই এটিএমৰ ভিডিঅ’টো ছ’চিয়েল মিডিয়া প্লেটফৰ্ম এক্স হেণ্ডেলত শ্বেয়াৰ কৰিছে।
এই পদক্ষেপ ৰেলৱে ব’ৰ্ডৰ নিৰ্দেশনাৰ এটা অংশ যে ভাড়াৰ বাহিৰেও ৰাজহ বৃদ্ধিৰ বাবে নতুন আৰু উদ্ভাৱনী পদ্ধতি গ্ৰহণ কৰিব লাগিব। ইয়াৰ অধীনত ২০২৫ চনৰ ২৫ মাৰ্চত ৰে’লৱেই সকলো সম্ভাৱ্য বিক্ৰেতাৰ সৈতে এখন বৈঠক অনুষ্ঠিত কৰিছিল। সেই বৈঠকতে চলন্ত ৰে’লত মোবাইল এটিএম স্থাপনৰ ধাৰণা আগবঢ়োৱা হৈছিল, যিটো পিছলৈ অনুমোদনো হয়।
২০২৫ চনৰ ১০ এপ্ৰিলত মনমদ-চি এছ এম টি পঞ্চৱতী এক্সপ্ৰেছত ৰেলত এ টি এমৰ প্ৰথম পৰীক্ষামূলক পৰীক্ষা সম্পন্ন কৰা হৈছিল। ৰেলখনৰ মিনি পেণ্ট্ৰি এৰিয়াত এটিএম লগোৱাৰ বাবে সাজু কৰা হৈছিল। ৰে’লৱেৰ যান্ত্ৰিক দলটোৱে কামটো কৰি এটিএমটো নিৰাপদে ফিট কৰিলে।
যাত্ৰাৰ সময়ত ৰেলৰ গতিবিধিৰ ফলত হোৱা জোকাৰণি আৰু কম্পনৰ পৰা ৰক্ষা এটিএম ৰক্ষা কৰিবলৈ ৰবৰৰ পেড আৰু বল্টৰ সহায়ত ফিট কৰা হৈছে। নিৰাপত্তা বজাই ৰাখিবলৈ সেই স্থানত দুটাকৈ অগ্নিনিৰ্বাপক যন্ত্ৰও স্থাপন কৰা হৈছে।
ৰে’লত এটিএম স্থাপনৰ উদ্দেশ্য হৈছে যাত্ৰীসকলে বাটত ধন উলিয়াব পৰা সুবিধা প্ৰদান কৰা। ভাড়াৰ বাহিৰেও ৰে’লৱে অতিৰিক্ত উপাৰ্জনৰ উৎস লাভ কৰাৰ লগতে ৰে’লৱেক অধিক আধুনিক আৰু স্মাৰ্ট কৰি তোলা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
