দক্ষিণ চুপাৰষ্টাৰ ধনুষেৰে বিচ্ছেদ হোৱাৰ কিছু দিনৰ পিছতে অসুস্থ হৈ পৰিছে দক্ষিণৰ মেগাষ্টাৰ ৰজনীকান্তৰ কন্যা ঐশ্বৰ্য৷
উল্লেখ্য যে যোৱা ১৭ জানুৱাৰীত দক্ষিণৰ চুপাৰষ্টাৰ ধনুষ আৰু ঐশ্বৰ্য দুয়োৱে সামাজিক মাধ্যমৰ যোগে তেওঁলোকৰ ১৮ বছৰীয়া বৈবাহিক জীৱনৰ ইতি পেলোৱাৰ কথা ঘোষণা কৰিছিল৷
ধনুষেৰে বিবাহ বিচ্ছেদৰ পিছতে ঐশ্বৰ্য অসুস্থ হৈ পৰিছে৷ দুয়োৰে অনুৰাগীসকলে এই খবৰ লাভ কৰাৰ পাছতে ঐশ্বৰ্যই মানসিক ভাঙি পৰাৰ বাবেই অসুস্থ হৈ পৰা বুলি ধাৰণা কৰিছে৷
ইফালে ঐশ্বৰ্যই নিজা ইনষ্টাগ্ৰাম হেণ্ডলত নিজৰ এখন ফ’টো শ্বেয়াৰ কৰি প্ৰকাশ কৰিছে তেওঁ অসুস্থ আৰু বৰ্তমান হাস্পতালত ভৰ্তি হৈ আছে৷
ঐশ্বৰ্য ঘোষণা কৰা মতে তেওঁ কোৰোনাত আক্ৰান্ত হৈছে৷ ‘‘সকলো সাৱধানতা অৱলম্বন কৰাৰ পিছতো কোভিডত আক্ৰান্ত হ’লো ৷ অনুগ্ৰহ কৰি সকলোৱে মাস্ক পৰিধান কৰক আৰু ভেকচিন গ্ৰহণ কৰক৷ ২০২২ত আমাৰ বাবে আৰু কি কি অপেক্ষা কৰি আছে দেখা যাওক৷’’ নিজৰ ইনষ্টাগ্ৰামত এইদৰে কয় ঐশ্বৰ্যই৷
View this post on Instagram
ইফালে বিশেষ সূত্ৰই প্ৰকাশ কৰাৰ মতে নিজ কন্যাৰ বিবাহ বিচ্ছেদৰ পিছত দক্ষিণৰ মেগাষ্টাৰ ৰজনীকান্ত মানসিকভাৱে যথেষ্ট ভাঙি পৰিছে৷ কন্যা আৰু জোঁৱায়েকৰ বৈবাহিক জীৱন পুনৰ স্বাভাৱিক কৰিবলৈ ৰজনীকান্তই বাৰে বাৰে চেষ্টা কৰিছে বুলিও জানিব পৰা গৈছে৷ কিন্তু ধনুষে ৰজনীকান্তক সাক্ষাৎ দিবলৈ অমান্তি হৈছে৷
‘‘এই বিচ্ছেদৰ কাৰণ হৈছে ‘পাৰিবাৰিক বিবাদ’ সেয়ে তেওঁলোকে নিজৰ মাজতে সমস্যাসমূহ আলোচনা কৰি মীমাংসা কৰিবলৈ চেষ্টা কৰিছে৷ বোৱাৰী আৰু পুত্ৰৰ বিচ্ছেদ মই বিচৰা নাই৷’’ সংবাদ মাধ্যমৰ আগত এই দাবী কৰিছে ধনুষৰ পিতৃ তথা দক্ষিণৰ পৰিচালক কস্তুৰী ৰাজা-এ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
