বলিউদৰ অভিনেতা ৰণবীৰ কাপুৰ আৰু অভিনেত্ৰী আলিয়া ভাটৰ বি টাউনৰ বহু প্ৰত্যাশিত বিবাহখন আজি সম্পন্ন হৈছে৷
বহু জল্পনা কল্পনাৰ পিছতে দুয়োৰে পৰিয়ালৰ লোকে তেওঁলোকৰ বিবাহৰ দিন ঘোষণা কৰে৷ বলিউদৰ হাই প্ৰফাইল এই বিয়াখনলৈ বহু হাই প্ৰফাইল অতিথিক নিমন্ত্ৰণ কৰা হ’ব বুলি চৰ্চা লাভ কৰিলেও মূৰকত সেয়া হৈ নুঠিল৷
দুদিনমান পূৰ্বে আলিয়াৰ ভাতৃ ৰাহুল ভাটে প্ৰকাশ কৰে যে বচা বচা দুয়োটা পৰিয়ালেৰে ঘণিষ্ঠ সম্পৰ্ক থকা মাত্ৰ ২৮ গৰাকী অতিথিকহে নিমন্ত্ৰণ কৰা হৈছে৷
লগতে পঢ়ক হিমাচল প্ৰদেশত নিৰ্বাচন : আপে-এ বিজেপিক দিলে ৪৪০ ভল্টৰ বৈদ্যুতিক আঘাত
ইতিমধ্যে তেওঁলোকৰ বিবাহৰ উপলক্ষ্যে ১৩ তাৰিখে মহেন্দী আৰু এক সংগীতৰ অনুষ্ঠান সম্পন্ন হৈ গৈছে৷ উক্ত অনুষ্ঠানত কইনা আৰু দৰা ঘৰৰ ঘণিষ্ঠ বন্ধুবৰ্গ বিশেষকৈ কৰণ জহৰ, কৰীণা কাপুৰ, কৰিশ্মা কাপুৰ আৰু আয়ান মুখাৰ্জী উপস্থিত থাকে৷
আনহাতে আজি বিয়লি ৩ বজাত বিবাহৰ মূল অনুষ্ঠান অনুষ্ঠিত হোৱাৰ কথা৷ উক্ত অনুষ্ঠানত তেওঁলোকৰ নিমন্ত্ৰিত অতিথিসকল উপস্থিত থাকিব৷
লগতে পঢ়ক ‘স্থান গ’লে মানো যায়!’ ইমৰাণ খানৰ ১৮ কোটি টকীয়া নেকলেচৰ বিৰুদ্ধে তদন্ত ঘোষণা
ইফালে বিবাহ অনুষ্ঠানত অভ্যাগতসকলৰ বাবে সাজু কৰি তোলা হ’ব টণ্ডুৰি ছিকেন, মটন, দাল মাখনী আৰু পনীৰ টিক্কা৷ নতুন দিল্লীৰ পৰা নিমন্ত্ৰণ কৰা বিশেষ চেফেই এই খাদ্য সম্ভাৰ প্ৰস্তুত কৰিব৷
ইফালে দৰা-কইনা ৰণবীৰ আৰু আলিয়াৰ যুগ্ন ফ’টো সন্ধিয়া ৭ বজাত ৰাজহুৱাভাৱে প্ৰকাশ কৰা হ’ব বুলি জানিব পৰা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
