১৬ জুন কৰ্কট সংক্ৰান্তি পালিত হৈছে৷ আজি মিথুন ৰাশি এৰি কৰ্কট ৰাশিত গোচৰ কৰিছে সূৰ্য৷ অসমীয়া পঞ্জিকা অনুসৰি কাইলৈৰ পৰা আহাৰ শেষ হৈ শাওন মাহ আৰম্ভ হ’ব৷ আগন্তুক ১৯ জুলাই পৰ্যন্ত বুধ আছে কৰ্কট ৰাশিত৷ ফলত ১৬ জুলাইৰ পৰা ১৯ জুলাই এই তিনি দিন কৰ্কট ৰাশিত থাকিব বুধাদিত্য ৰাজযোগ৷
বিগত ১৬ জুলাইত কৰ্কট ৰাশিত গোচৰ কৰিছে শুক্ৰই৷ ইয়াৰ ফলত ১৬ জুলাইৰ পৰা ১৯ জুলাই পৰ্যন্ত কৰ্কট ৰাশিত থাকিব তিনি গ্ৰহৰ মেলা৷ ১৯ জুলাইত বুধে কৰ্কট ৰাশি এৰি সিংহ ৰাশিত প্ৰৱেশ কৰিলে এই ত্ৰিগ্ৰহী যোগ কাটি যাব৷ শুক্ৰ আৰু সূৰ্যৰ যুঁটিত কৰ্কট ৰাশিত শুক্ৰাদিত্য যোগ চলিব৷ ইয়াৰ সৈতে বৃষ ৰাশিত মঙ্গল আৰু বৃহস্পতিৰ মিলিত অৱস্থানৰ ফলত তাত গঠিত হ’ব আদিত্য মঙ্গল যোগ৷ অৱস্থান কৰিব সূৰ্য, বুধ আৰু শুক্ৰই৷ ইয়াৰ ফলত মিথুন ৰাশিত এই তিনি গ্ৰহ মিলি ত্ৰিগ্ৰহী যোগ গঠন কৰিব৷ ইয়াৰোপৰি স্বৰাশি কুম্ভৰ পৰা শ শ ৰাজযোগ গঠন কৰিছে শনি আৰু ৰাহু, কেতু আছে মীন আৰু কন্যা ৰাশিত৷ এই সময়ত আৰম্ভ হৈছে শাওন মাহো৷ জানি থওক জুলাই মাহৰ শেষৰ ১৫ দিন কোন কোন ৰাশিৰ সৌভাগ্য উদয় হ’ব?
বৃষ ৰাশি
জুলাই মাহৰ শেষৰ ১৫ দিনত সৌভাগ্য উদয় হ’ব বৃষ ৰাশি৷ বৃহস্পতি আৰু মঙ্গল বৰ্তমান বৃষ ৰাশিত অৱস্থান কৰি গঠন কৰিছে গুৰু মঙ্গল যোগ৷ এই সময়ত আপুনি নিজৰ সকলো কাম পৰিকল্পনামতে সময়ৰ মাজত সম্পন্ন কৰিব পাৰিব৷ এই সময়ত আপুনি নিজৰ সকলো কামতে উৎসাহ আৰু এনাৰ্জী পাব৷ কৰ্মক্ষেত্ৰত ছিনিয়ৰ আৰু জুনিয়ৰ সকলোৰে পৰা প্ৰয়োজনীয় সহায় পাব বৃষ ৰাশিৰ জাতকে৷
কৰ্কট ৰাশি
জুলাই মাহৰ শেষৰ ১৫ দিন কৰ্কট ৰাশিত থাকিব শুক্ৰাদিত্য যোগ৷ জ্যোতিষ গণনা অনুসৰি এই সময়ত ভাল আৰু শুভ ফল লাভ কৰিব কৰ্কট ৰাশিৰ জাতকে৷ নিজৰ আলস্য ভাৱ এৰি সকলো কামতে সম্পূৰ্ণ মনোযোগ দি পৰিশ্ৰম কৰিব কৰ্কট ৰাশিৰ জাতকে৷ নতুন চাকৰিৰ চেষ্টা কৰিছে তেওঁলোকে এই সময়ত চাকৰি পাব৷ কৰ্মক্ষেত্ৰত বৃহৎ সুযোগ আপোনাৰ সন্মুখত আহিব৷
সিংহ ৰাশি
জুলাই মাহৰ শেষৰ ১৫দিন সকলো কামতেই ভাগ্যৰ সহায়তা পাব সিংহ ৰাশিৰ জাতকে৷ এই সময়ত কোনো প্ৰভাৱশালী ব্যক্তিৰ সৈতে আপোনাৰ সু সম্পৰ্ক গঢ়ি উঠিব পাৰে৷ আপোনাৰ দীৰ্ঘদিনে ৰৈ থকা কাম এই সময়ত সম্পন্ন হ’ব৷ সুখী থাকক৷ মাটি বাৰী ক্ৰয়ৰ ইচ্ছা পূৰণ হ’ব৷ সকলোতকৈ উল্লেখযোগ্য বিষয় হৈছে এই সময়ত কামত প্ৰমোছন হ’ব পাৰে৷
ধনু ৰাশি
জুলাই মাহৰ শেষ সময় আনন্দেৰে কটাব ধনু ৰাশিৰ জাতকে৷ এই সময়ত আপুনি কেৰিয়াৰ সংক্ৰান্তীয় কোনো সুখবৰ পাব পাৰে৷ সংসাৰত আনন্দৰ পৰিবেশ বৰ্তি থাকিব৷ আৰ্থিকভাৱেও বৃহৎ লাভ হ’ব ধনু ৰাশিৰ জাতকৰ৷ ব্যৱসায়ত কাংখিত সাফল্য পাব৷ কোনো ঘনিষ্ঠ বন্ধুৰ পৰা সাহায্য লাভ কৰিব৷ কাৰ্যালয়ত আপোনাৰ চিনিয়ৰে আপোনাৰ কামৰ প্রশংসা কৰিব৷ মাটি ক্ৰয় কৰিব পাৰে৷
মকৰ ৰাশি
জুলাই মাহৰ শেষ ১৫ দিনৰ মাজত শুভাকাংশীসকলৰ পৰা ভাল সাহায্য পাব মকৰ ৰাশিৰ জাতকে৷ নিজৰ পৰিকল্পনা অনুসৰি সকলো কাম আপুনি সম্পূৰ্ণ কৰিব পাৰিব৷ কাৰ্যালয়ত ঊৰ্ধতন কৰ্তৃপক্ষই আপোনাৰ কামক লৈ সুখী হ’ব৷ ছাত্ৰ-ছাত্ৰীসকলৰ বাবেও এই সময় অত্যন্ত শুভ৷ যিসকলে প্ৰতিযোগীতামূলক পৰীক্ষাৰ বাবে প্ৰস্তুতি চলাই আছে তেওঁলোকৰ বাবে এই সময় শুভ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
