বৈদিক জ্যোতিষ অনুসৰি শুক্ৰ হৈছে সুখ, সম্পদ, সমৃদ্ধি আৰু প্ৰেম ভালপোৱাৰ কাৰক গ্ৰহ৷ এই গ্ৰহৰ শুভ প্ৰভাৱে জাতক জাতিকাৰ জীৱনলৈ সুখ, সমৃদ্ধি, সৌন্দৰ্য আৰু ভালপোৱা আনে৷ শুক্ৰই যেতিয়া নিজৰ স্থান পৰিবৰ্তন কৰে তাৰ প্ৰভাৱ বিভিন্ন ৰাশিৰ জাতকৰ ওপৰত লক্ষ্য কৰা যায়৷ আগন্তুক ৭ নৱেম্বৰৰ নিশা ৩বাজি ২১ মিনিটত ধনু ৰাশিত গোচৰ কৰিব শুক্ৰই৷ ধনু হৈছে বৃহস্পতিৰ ৰাশি৷ শুক্ৰৰ ৰাশি বৃষতেই বৰ্তমান অৱস্থান কৰিছে বৃহস্পতি৷ জানি থওক ধনু ৰাশিত শুক্ৰ প্ৰৱেশ কৰিলে প্ৰচুৰ সুখ সৌভাগ্য লাভ কৰিব৷
মেষ ৰাশি
শুক্ৰৰ গোচৰে ভাল সময় আনিব মেষ ৰাশিৰ জাতকৰ জীৱনত৷ এই সময়ত আপুনি ভ্ৰমণ কৰিব পাৰে৷ পৰিয়াল আৰু বন্ধুৰ সৈতে নানান দূৰ ঠাই ভ্ৰমণ কৰিব পাৰে৷ এই সময়ত কেৰিয়াৰত সাফল্য পাব মেষ ৰাশিৰ জাতকে৷ অতিৰিক্ত অৰ্থ লাভ কৰিব আৰু প্ৰেমৰ সম্পৰ্কও মজবুত হ’ব৷
মিথুন ৰাশি
মিথুন ৰাশিৰ জাতকৰ যিসকলে ব্যৱসায় কৰি আছে তেওঁলোকে প্ৰচুৰ আৰ্থিক লাভ কৰিব পাৰিব৷ ষ্টক মাৰ্কেটত বিনিয়োগ কৰি শুক্ৰৰ প্ৰভাৱত লাভবান হ’ব আপুনি৷ এই সময়ত আপুনি নিজৰ খৰচ নিয়ন্ত্ৰণ ৰাখিব পাৰিব৷ সাংসৰিক জীৱনত ভালপোৱা আৰু সন্মান লাভ কৰিব৷ স্বাস্থ্যও ভালে থাকিব মিথুন ৰাশিৰ জাতকৰ৷ নতুন সহকৰ্মী আৰু বন্ধু লাভ কৰিব৷
কন্যা ৰাশি
৭ নৱেম্বৰৰ পৰা কন্যা ৰাশিৰ জাতকৰ জীৱনত সুখ সমৃদ্ধি আৰু উন্নতি বাঢ়িব৷ এই সময়ত শুক্ৰৰ শুভ প্ৰভাৱত আপোনাৰ আত্মবিশ্বাস তুংগত থাকিব৷ জীৱনত আৰাম আয়ৰ বিলাসিতা বাঢ়িব৷ কৰ্মক্ষেত্ৰত নিজৰ পাৰফৰমেন্স দি অন্যতকৈ আগুৱাই যাব৷ ব্যৱসায়ীসকলৰ বাবে এই সময় শুভ৷ এই সময়ত কেৰিয়াৰত সঠিক পৰিকল্পনা আৰু দক্ষতা কামত লগাই আগবাঢ়িব৷
তুলা ৰাশি
অৰ্থনৈতিক অৱস্থা আৰু কেৰিয়াৰত শুভ পৰিবৰ্তন আহিব তুলা ৰাশিৰ জাতকৰ৷ এই সময়ত উত্তৰাধিকাৰ সূত্ৰে সম্পত্তি লাভ কৰিব৷ সহকৰ্মীসকলৰ সৈতে সমস্যা হৈ চাকৰি পৰিবৰ্তন কৰিব পাৰে তুলা ৰাশিৰ জাতকে৷ নতুন পৰিকল্পনা কামত লগাই নিজৰ ব্যৱসায় আগুৱাই নিব পাৰে৷ বিভিন্ন সূত্ৰৰ পৰা অৰ্থলাভ কৰিব পাৰে৷
ধনু ৰাশি
আগন্তুক ৭ নৱেম্বৰত ধনু ৰাশিতেই গোচৰ কৰিব শুক্ৰই৷ শুক্ৰৰ অৱস্থানৰ শুভ প্ৰভাৱত পেছাগত জীৱনত বৃহৎ উন্নতি কৰিব পাৰিব ধনু ৰাশিৰ জাতকে৷ এই সময়ত ধৈৰ্য্য ধৰি কঠিন পৰিশ্ৰম কৰক, সাফল্য আপুনি নিশ্চয় পাব৷ শুক্ৰৰ গোচৰৰ প্ৰভাৱত আয় বাঢ়িব আপোনাৰ৷ জীৱনসংগীৰ সৈতে সম্পৰ্ক উন্নত কৰিব পাৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
