বাৰে বাৰে মাহেকীয়া পলম? এয়া কোনো ৰোগৰ প্ৰাৰম্ভিক লক্ষণ নেকি?

মহিলাৰ স্বাভাৱিক মাহেকীয়া চক্ৰ ২৮ দিন। ইয়াৰ বাহিৰেও ১০ দিন পৰ্যন্ত পলম হ’ব পাৰে। যদি ৩৮ দিনত মাহেকীয়া নহয়, তেন্তে ইয়াক স্বাভাৱিক বুলি গণ্য কৰা নহয়। যদি ইয়াতকৈ বেছি সময় লৈছে তেন্তে বহু কাৰণত হ’ব পাৰে। বিশেষজ্ঞসকলৰ মতে প্ৰতিগৰাকী মহিলাৰ পিৰিয়ড চাইকেল বেলেগ বেলেগ। সেই সময়ৰ পৰা যদি ১০ৰ পৰা ১২ দিন পলম হয় তেন্তে চিন্তাৰ কাৰণ হ’ব পাৰে।

পলম হোৱাৰ কাৰণ

মহিলাৰ মাহেকীয়া পলম হোৱাৰ বহু কাৰণ আছে। এইবোৰ হৰম’নৰ পৰিৱৰ্তন, পলিচিষ্টিক অভাৰী চিনড্ৰম (PCOS), থাইৰয়ডৰ সমস্যা বা অন্যান্য ৰোগৰ লক্ষণ হ’ব পাৰে। ইয়াৰ উপৰিও মানসিক চাপৰ বাবে মাহেকীয়া পলম হয়। অনিয়মিত জীৱনশৈলী আৰু খাদ্যাভ্যাসৰ বেয়াৰ বাবেও মাহেকীয়া পলম হয়। ওজন বেছি হ’লেও মাহেকীয়া অনিয়মিত হ’ব পাৰে। ইয়াৰোপৰি গৰ্ভনিৰোধক ঔষধ বা অন্যান্য গৰ্ভনিৰোধক পদ্ধতিৰ ব্যৱহাৰৰ বাবেও মাহেকীয়া পলম হ’ব পাৰে।

চিকিৎসকৰ ওচৰলৈ যাওক

যদি মাহেকীয়া দুমাহৰ পৰা তিনিমাহ পিছুৱাই যায় তেন্তে চিকিৎসকৰ পৰামৰ্শ লোৱাটো গুৰুত্বপূৰ্ণ। ইয়াৰ উপৰিও যদি মাহেকীয়া পলম হোৱাৰ লগতে ওজন সলনি, চুলি সৰা, অনিয়মিত মেজাজ, ভাগৰ আদি লক্ষণ দেখা দিয়ে, তেন্তে চিকিৎসকৰ পৰামৰ্শও ল’ব লাগে।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ