অসম লাইভ২৪ঃ
একালত কংগ্ৰেছৰ হৈ চিঞৰি চিঞৰি হিমন্ত বিশ্ব শৰ্মাক গালি দিয়া ৰূপজ্যোতি কুৰ্মী এতিয়া সেইগৰাকী হিমন্ত বিশ্ব শৰ্মাৰে পৰম ভক্ত।
মুখ্যমন্ত্ৰী হিমন্ত বিশ্ব শৰ্মাক ভগৱান বিষ্ণুৰ অৱতাৰ হিচাপে বৰ্ণনা কৰিবলৈও কুণ্ঠাবোধ কৰা নাই মৰিয়নী সমষ্টিৰ বিধায়ক ৰূপজ্যোতি কূৰ্মীয়ে।
শোওতে, বহোতে, উঠতে, খাওতে মুখ্যমন্ত্ৰী আৰু বিজেপিৰ প্ৰশংসা কৰি কৰি তৎ নোপোৱা ৰূপজ্যোতি কুৰ্মীয়ে ৰাজহুৱাকৈয়ে ক’লে, ভগৱান বিষ্ণুৰ অৱতাৰ মুখ্যমন্ত্ৰী হিমন্ত বিশ্ব শৰ্মা।
আখ্যান সোঁৱৰি ৰূপজ্যোতি কুৰ্মীয়ে ক’লে, তাহানি যেতিয়াই দুষ্টৰ জন্ম হৈছিল, তেতিয়াই দুষ্টক দমন কৰিবলৈ অৱতাৰ লৈছিল ভগৱান বিষ্ণুৱে।
এতিয়া মুখ্যমন্ত্ৰী হিমন্ত বিশ্ব শৰ্মাইও দুষ্টক দমন কৰি অসমলৈ শান্তি আনিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
