ৰাছিয়াৰ আক্ৰমণত ক্ৰমশঃ বিধ্বস্ত হৈ পৰিছে যুদ্ধ বিধ্বস্ত ইউক্ৰেইন৷ ইতিমধ্যে ৰাছিয়ান বাহিনীৰ আক্ৰমণে নৱম দিনত প্ৰৱেশ কৰাৰ দিনাই জ্বলি ছাৰখাৰ হৈছে ইউৰোপ মহাদেশৰ সৰ্ববৃহৎ পাৰমাণৱিক শক্তি প্ৰকল্প৷
এই কথা সদৰী কৰিছে ইউক্ৰেইনৰ বৈদেশিক মন্ত্ৰী দিমিট্ৰো কুলেবাই৷ মন্ত্ৰী কুলেবাই ৰাছিয়াৰ আক্ৰমণত ইউক্ৰেইনৰ সৰ্ববৃহৎ উক্ত পাৰমাণৱিক শক্তি প্ৰকল্পটো জ্বলি উঠিছে বুলি প্ৰকাশ কৰিছে৷
ইয়াৰ ফলত দেশখনত এক ভয়াৱহ পৰিস্থিতিৰ সৃষ্টি হ’ব বুলি আশংকা কৰিছে ইউক্ৰেইনৰ বৈদেশিক মন্ত্ৰীগৰাকীয়ে৷
লগতে পঢ়ক যুদ্ধৰ বিৰল দৃশ্য; আক্ৰমণকাৰী ৰাছিয়ান সৈন্যক এইদৰে কি কৰিছে কিশোৰী ইক্ৰেইনীয়ানে?
ৰাছিয়ান সৈন্যৰ আক্ৰমণত প্ৰকল্পটোৰ এটা উৎপাদন অংশ ক্ষতিগ্ৰস্ত হোৱাৰ লগতে একাংশত আগ্নিকাণ্ডৰ সংঘটিত হোৱা বুলি ইউক্ৰেইনৰ শক্তি মন্ত্ৰালয়ে নিশ্চিত কৰিছে৷
অৱশ্যে আক্ৰমণৰ ফলত এতিয়াও প্ৰকল্পটোৰ পৃষ্ঠভূমি ক্ষতিগ্ৰস্ত হোৱা নাই৷ সংবাদ সংস্থা RIAৰ আগত প্ৰকল্পটোৰ এগৰাকী বিষয়াই প্ৰকাশ কৰা অনুসৰি বিকিৰণৰ পৃষ্ঠভূমিৰ স্তৰ একেই আছে৷
ৰাছিয়ান বাহিনীয়ে জাপোৰিজজিয়া এনপিপিৰ পাৰমাণৱিক শক্তি প্ৰকল্পটো ধ্বংস কৰিবলৈ সকলোফালৰ পৰাই গুলীবৰ্ষণ কৰিছিল বুলিও প্ৰকাশ কৰিছে মন্ত্ৰী কুলেবাই৷
লগতে পঢ়ক নিজৰ মাজতেই গুলীয়াগুলী, ঘুচিয়াঘুচি ৰাছিয়ান সেনাৰ! কিয় লাগিছে এই কন্দল?
“ইতিমধ্যে প্ৰকল্পটোত অগ্নিকাণ্ড সংঘটিত হৈছে। ৰাছিয়ানসকলে অতি শীঘ্ৰেই আক্ৰমণ বন্ধ কৰিব লাগিব। অগ্নিনিৰ্বাপক বাহিনীক অগ্নি নিৰ্বাপনৰ বাবে অনুমতি দিব লাগিব৷ সুৰক্ষা ক্ষেত্ৰ স্থাপন কৰিব লাগিব!” মন্ত্ৰী কুলেবাই টুইটত কয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
