ইউক্ৰেইনৰ গুৰুতৰ অভিযোগ, ৰাছিয়াই আৱদ্ধ কৰি ৰাখিছে ১৯,৫৫৬ শিশু
দ্বিতীয় বিশ্বযুদ্ধৰ পিছত আটাইতকৈ দীৰ্ঘদিনীয়া যুদ্ধ হিচাপে ৰাছিয়া আৰু ইউক্ৰেইনৰ মাজত চলি থকা সংঘাত। এই যুদ্ধত বৰ্তমানলৈ হাজাৰ হাজাৰ লোকে প্ৰাণ হেৰুৱালে। কোটি কোটি টকাৰ সম্পত্তি সম্পূৰ্ণৰূপে ধ্বংস হৈছে। কিন্তু এতিয়া এই যুদ্ধৰ সময়তে ৰাছিয়াৰ বিৰুদ্ধে ইউক্ৰেইনে এনে অভিযোগ উত্থাপন কৰিছে যে, যি শুনি সমগ্ৰ বিশ্ব স্তম্ভিত হৈ পৰিছে।
দৰাচলতে ব্ৰিটেইনৰ লেবাৰ পাৰ্টিৰ এজন সাংসদে প্ৰধানমন্ত্ৰী কেয়াৰ ষ্টাৰমাৰৰ চৰকাৰক প্ৰশ্ন উত্থাপন কৰিছিল যে ৰাছিয়া-ইউক্ৰেইন যুদ্ধত শান্তিৰ আলোচনাত যুদ্ধৰ সময়ত ৰাছিয়াৰ সৈন্যই অপহৰণ কৰা ১৯,৫৫৬টা শিশুক নিৰাপদে ঘূৰি অহাৰ কথাও উল্লেখ কৰা হৈছে নেকি?
যি প্ৰশ্ন উত্থাপনৰ পাছতে তোলপাৰ লাগি যায় সকলোফালে। সঁচাকৈয়ে ৰাছিয়াই ইউক্ৰেইনৰ পৰা অপহৰণ কৰি নিছে নেকি এই সকল শিশু।
ব্ৰিটিছ সাংসদসকলে কয় যে যেতিয়ালৈকে এই শিশুসকলক সুৰক্ষিতভাৱে ঘূৰাই নিদিয়ে তেতিয়ালৈকে শান্তিৰ কথা ক’ব নোৱাৰি। সাংসদগৰাকীয়ে দিয়া তথ্য অনুসৰি ইউক্ৰেইনৰ পৰা ১৯,৫৪৬ টা শিশু নিৰুদ্দেশ হোৱাৰ লগতে ৫৯৯ টা শিশুৰ মৃত্যু হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
