অসম লাইভ২৪ঃ টেষ্ট বিশ্বকাপৰ ৰিজাৰ্ভ দলত স্থান পাইছিল ৰুতুৰাজ গায়কোৱাৰ্ডে। স্থান পালেও ৰোহিত শৰ্মা, বিৰাট কোহলিৰ সৈতে ইংলেণ্ড যোৱা নহ’ল ৰুতুৰাজৰ। টেষ্টৰ পূৰ্বেই বিবাহৰ দিন ঠিক লৈছিল ৰুতুৰাজৰ। ৩ জুন অৰ্থাৎ শনিবাৰে বিবাহৰ বান্ধোনত বান্ধ খাই ৰুতুৰাজ। প্ৰেয়সী উৎকৰ্ষা পওৱাৰৰ সৈতে শনিবাৰে বিবাহৰ বান্ধোনত বান্ধ খাই চেন্নাই চুপাৰ কিংছৰ বেটাৰ ৰুতুৰাজ। ভাৰতীয় দলটোত খেলাৰ সুযোগ পালেও বিবাহৰ বাবে ছুটী বিচাৰিছিল ক্ৰিকেটাৰ ৰুতুৰাজে। তাৰপিছতেই বিচিচিআইয়ে ৰিজাৰ্ভ অপেনাৰ হিচাপে ইংলেণ্ডলৈ পঠিয়াই যশস্বী জয়ছোৱালক। শনিবাৰে অনুষ্ঠিত ৰুতুৰাজ আৰু উৎকৰ্ষাৰ বিবাহৰ ছবি সামাজিক মাধ্যমত ভাইৰেল হৈ পৰিছে।
বিবাহৰ ছবি সামাজিক মাধ্যমত শ্বেয়াৰ কৰি ৰুতুৰাজে কেপশ্ব্যনত লিখিছে, ‘আমাৰ যাত্ৰা আৰম্ভ হ’ল।’ ৰুতুৰাজৰ বিবাহৰ অনুষ্ঠানত কেইবাগৰাকী চিনাকী মুখো দেখা গৈছে। ক্ৰিকেটাৰ শিৱম ডুবে, প্ৰশান্ত ছোলাংকিকে ধৰি বহুকেইজন ক্ৰিকেটাৰ। ইফালে বিবাহৰ অনুষ্ঠানত উপস্থিত নাথাকিলেও ৰুতুৰাজ-উৎকৰ্ষাক সামাজিক মাধ্যমত শুভেচ্ছা জনাইছে শিখৰ ধাৱান, ৰছিদ খান, উমৰাণ মালিক, মহিশ থিকছানা, বেংকটেশ আয়াৰৰ দৰে কেইবাজনো ক্ৰিকেটাৰে।
উল্লেখ্য যে, উৎকৰ্ষাই ডেৰ বছৰ পূৰ্বেই ক্ৰিকেট জগতৰ পৰা অব্যাহতি লৈছে। মহিলাৰ এদিনীয়া ট্ৰফিত ২০২১ চনৰ ১৫ নৱেম্বৰত পঞ্জাৱৰ বিৰুদ্ধে শেষ মেচ খেলিছিল। ক্ৰিকেট এৰি তেওঁ পুনেৰ এটা বেচৰকাৰী সংস্থাত শিক্ষাজীৱনৰ পুনৰ পাতনি মেলে। সদ্য সমাপ্ত আইপিএলত মহেন্দ্ৰ সিং ধোনীৰ চেন্নাইৰ হৈ ভাল পাৰফৰ্মেন্স দেখুৱাই ৰুতুৰাজে। তেওঁৰ বেটৰ পৰাই দলটোৱে লাভ কৰিছে ৫৯০ ৰান। বৰ্তমানলৈ ভাৰতীয় দলৰ হৈ এদিনীয়া মেচত ৯ খন টি টোৱেণ্টি মেচ খেলিছে ৰুতুৰাজে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
