মহিলাৰ বাবে সবাতোকৈ সুৰক্ষিত ৰাজ্য কোনখন জানেনে ! উত্তৰ পূৱ ভাৰতৰ সাতভনীৰ দেশৰ এখন
কলিকতাৰ ঘটনাই সমগ্ৰ দেশ জোকাৰি যোৱাৰ পাছতে এতিয়া মহিলাসকলৰ মাজত এটাই প্ৰশ্ন উত্থাপন হৈছে মহিলাসকল সুৰক্ষিত ক’ত। কোন ঠাইত মহিলাই ভয় শংকা নোহোৱাকৈ থাকিব পাৰে। দেশৰ ৭৮ সংখ্যক স্বাধীনতাৰ সময়তো মহিলাই প্ৰকৃত স্বাধীনতাৰ বিষয়ে ভাবিব লগা হৈছে।
পাছে দেশৰ ভিতৰত মহিলাৰ বাবে সুৰক্ষিত ঠাই বুলিলে কি মনলৈ আহে পোনতে। বহুতৰে বহু ঠাই মনলৈ আহিলেও পাছে প্ৰকাশিত তথ্য অনুসৰি উত্তৰ পূৱ ভাৰতৰ সাতভনীৰ এখন ৰাজ্য ভাৰতৰ ভিতৰতে সুৰক্ষিত বুলি তথ্যত প্ৰকাশ পাইছে।
সেই ৰাজ্যখন হৈছে নাগালেণ্ড। নেচনেল ক্ৰাইম ৰেকৰ্ডছ ব্যুৰোৰ (National Crime Records Bureau’s (NCRB))ৰ তথ্যত প্ৰকাশ পাইছে এই খবৰ। এনচিআৰবিৰ ‘ভাৰতত অপৰাধ – ২০২২’ প্ৰতিবেদনত জনোৱা হৈছে যে ভাৰতীয় দণ্ডবিধিৰ (আইপিচি) আৰু ‘বিশেষ আৰু স্থানীয় আইন (এছএলএল)’ৰ অধীনত ‘মহিলাৰ বিৰুদ্ধে অপৰাধ’ ২০২১ চনত ৫৪ৰ পৰা ২০২২ চনত ৪৯লৈ হ্ৰাস পাইছে ,২০২০ চনত এই সংখ্যা আছিল ৩৯ টা।
অৱশ্যে এই তালিকাত কেন্দ্ৰীয় শাসিত অঞ্চলো যদি ধৰা হয় , তেন্তে মহিলাৰ বিৰুদ্ধে অপৰাধৰ ক্ষেত্ৰত সৰ্বনিম্ন সংখ্যা লাডাখত। প্ৰকাশিত তথ্য মতে লাডাখত মাত্ৰ ১৫টা আৰু তাৰ পিছতে লক্ষদ্বীপত ১৬টা।
ইয়াপ বিপৰীতে উত্তৰ প্ৰদেশত মহিলাৰ বিৰুদ্ধে অপৰাধৰ সংখ্যা দেশৰ ভিতৰতে সৰ্বাধিক ৬৫,৭৪৩, টা তাৰ পিছতে মহাৰাষ্ট্ৰত ৪৫,৩৩১ আৰু পশ্চিম বংগত ৩৪,৭৩৮ টা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
