অসম লাইভ২৪ঃ বলীউডৰ নৱাব এজনেই। তেওঁ অইন কোনো নহয় ছেইফ আলি খান। বহু ছবিত অভিনয় কৰি অসংখ্যজনৰ প্ৰিয় অভিনেতা ছেঈফ আলি খান। প্ৰায় তিনি দশক ধৰি বলীউডত তেওঁ কাম কৰিছে। বহু বিজ্ঞাপন কোম্পানীৰ সৈতেও ছেঈফ চুক্তিবদ্ধ। চিনেমা আৰু বিজ্ঞাপনৰ পৰা কোটি কোটি টকা উপাৰ্জন কৰে অভিনেতা ছেঈফে। অভিনয়ৰ পৰাই তেওঁ কেৱল আয় কৰে তেনে নহয়। অভিনেতাগৰাকীৰ পাৰিবাৰিক সূত্ৰেই আছে বহু সম্পত্তি। কিন্তু ইমান সম্পত্তিৰ মালিক হৈয়ো ছেঈফে তেওঁৰ সন্তানৰ বাবে কিন্তু কোনো সম্পত্তি ৰাখি থৈ যাব নোৱাৰিব। কিয় সন্তানে উত্তৰাধিকাৰী সূত্ৰে লাভ নকৰিব ছেঈফৰ সম্পত্তি?
ছেঈফ আলি খান অভিনেত্ৰী শৰ্মিলা ঠাকুৰ আৰু ক্ৰিকেটাৰ মনছুৰ আলী খানৰ পুত্ৰ। ছেঈফে পোনতে অমৃতা সিঙক বিয়া কৰাইছিল। তাৰপাছতেই দুয়োৰে ডিভোৰ্ছ হয়। অমৃতা সিং আৰু ছেঈফৰ আছে দুই সন্তান। অভিনয়ৰ জগতত ভুমুকি মৰা ছাৰা আলী খান আৰু পুত্ৰ ইব্ৰাহিম আলী খান। অমৃতাৰ সৈতে বিবাহ বিচ্ছেদৰ পাছতেই ছেঈফে বিয়া কৰাইছে কৰীণা কাপুৰক। দ্বিতীয় বিবাহৰ পাছতেই ছেঈফ পুনৰ দুই সন্তানৰ পিতৃ হয়। কৰীণা আৰু ছেঈফৰ সন্তান টাইমুৰ আলী খান আৰু জোহ আলী খান নামৰ দুই সন্তান।
ছেঈফৰ মুঠ সম্পত্তিৰ পৰিমান প্ৰায় ১১৮০ কোটি। ছেঈফৰ আছে দুটাকৈ প্ৰযোজৱা সংস্থা। ৰিপৰ্ট অনুযায়ী, হাৰিয়ানাৰ পতৌদি পেলেছ আৰু ভূপালতো আছে কেইবা কোটি টকাৰ সম্পত্তি। ছেঈফ আলী খানৰ ভূপালত থকা সম্পত্তিৰ পৰিমানেই প্ৰায় ৫০০০কোটি। ছেঈফ আলী খানৰ ককাক আছিল নৱাব। তেওঁ অজস্ৰ সম্পত্তি কাৰো নামত উইল কৰা নাছিল। ছেঈফৰ সমূহ সম্পত্তি এতিয়া Enemy Dispute Actঅ আওতাত আছে। এই আইনৰ অধীনত থাকিলে কোনো ব্যক্তিয়ে পাৰিবাৰিক সূত্ৰে সম্পত্তি মোৰ বুলি দাবী কৰিব নোৱাৰিব। ছেঈফ অজস্ৰ সম্পত্তিৰ মালিক হ’লেও সেয়ে এই সমূহ সম্পত্তি তেওঁৰ সন্তানে লাভ নকৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
