অসম লাইভ২৪ঃ দোকানলৈ বিৰিয়ানী খাবলৈ গ’লে আপুনিও নিশ্বয় এই কথালৈ মন কৰে৷ বিৰিয়ানি ৰখা বাচন সকলোবোৰ দোকানতেই এখন ৰঙা কাপোৰেৰে ঢাকি ৰখা হয়৷ কিন্তু কিয় ৰঙা কাপোৰেৰে মেৰিয়াই থয় বিৰিয়ানি ৰখা বাচন সেই কথা আমি বহুতেই নাজানো৷ ইয়াৰ আঁৰত আছে কেইবাটাও বিশেষ কাৰণ৷
ৰঙা ৰঙ আভিজাত্যৰো প্ৰতীক৷ ডাঙৰ ডাঙৰ অতিথিৰ বাবে আমি সদায়ে ৰঙা দলিছা পাৰি দিও৷ বহুতেই ধাৰণা কৰে যে বিৰিয়ানিৰ হাড়িত ৰঙা ৰঙৰ কাপোৰ বান্ধি ৰখাৰ প্ৰধান কাৰণ হৈছে মানুহৰ দৃষ্টি আকৰ্ষণ কৰা৷ কিন্তু এই ধাৰণা সত্য নহয়৷ ইয়াৰ আঁৰত আছে ঐতিহাসিক তাৎপৰ্যও৷ মোগল সম্ৰাট হুমায়ুনে যেতিয়া সাম্ৰাজ্য হেৰুৱাই ইৰাণত আশ্ৰয় লৈছিল তেতিয়া পাৰচ্য সম্ৰাটে তেওঁক উষ্ণ অভ্যৰ্থনা জনাইছিল৷ সেইসময়ত হুমায়ুনক ৰূপৰ পাত্ৰতহে খাদ্য দিয়া হৈছিল৷ খাদ্য সমূহ আগবঢ়াই দিওতে তেওঁক ৰঙা কাপোৰেৰে সুন্দৰকৈ ঢাকি দিয়া হৈছিল৷ সেই অভ্যৰ্থনাই হুমায়ুনক ইমানেই মোহিত কৰে যে, তেওঁ দেশলৈ আহি এই প্ৰথা আৰম্ভ কৰে৷
পৰবৰ্তীসময়ত মোগল সাম্ৰাজ্যতো এই নিয়ম লেথাৰিকৈ চলি থাকে৷ মোগলৰ এই নিয়ম লক্ষ্মৌৰ নৱাবসকলেও লয়৷ নৱাবসকলৰ ৰাজকীয় দামী খাদ্যৰ তালিকাত সেইসময়ত আছিল বিৰিয়ানি৷ ৰাজকীয় খাদ্য বাবেই তেতিয়া বিৰিয়ানিৰ হাণ্ডিসমূহ ৰঙা কাপোৰেৰে ঢাকি ৰখা হৈছিল৷ অৰ্থাৎ দূৰৰে পৰাই দেখিয়েই সকলোৱে অনুমান কৰিব পাৰিছিল যে সেয়া অভিজাত খাদ্য৷ পাছলৈ বিৰিয়ানিৰ দোকান বিভিন্ন স্থানত খোলা হ’ল৷ সকলোবোৰতে বিৰিয়ানি যে অভিজাত খাদ্য সেয়া বুজাবলৈকে তেওঁলোকে ৰঙা কাপোৰেৰে হাণ্ডিসমূহ ঢাকি ৰাখিছিল৷ পাছলৈ ব্যৱসায়ীক কাৰণতো ৰঙা কাপোৰৰ ব্যৱহাৰ নেৰিলে বিৰিয়ানীৰ ব্যৱসায়ীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
