অসম লাইভ২৪ঃ ছবিত দেখুওৱা ছলমানৰ চেহেৰা প্ৰকৃত চেহেৰা নহয়। এয়া ভিএফএক্সৰহে বাহাদুৰি বুলি বহুতেই মন্তব্য কৰিছে। এই মন্তব্যৰ প্ৰত্তুত্ত্যৰ দিছে ছলমান খানে। ‘কিছি কি ভাই কিছি কি জান’ ছবিখনৰ ট্ৰেইলাৰ মুকলিৰ পাছতেই এই কথাৰ প্ৰত্তুত্ত্যৰ দিছে ছলমান খানে। ছবিখনৰ প্ৰচাৰৰ বাবে মুম্বাইৰ এক অনুষ্ঠানত হাজিৰ হৈছিল ভাইজান ছলমান। অনুষ্ঠানতেই হঠাতেই ছাৰ্ট খুলি পেলাই ছলমানে। ছাৰ্ট খোলা মাত্ৰকেই হুলস্থুলীয়া পৰিবেশে বিৰাজ কৰে। ছাৰ্ট খোলাৰ পাছতেই ছলমানে আৰম্ভ কৰে কাহিনী। তেওঁ কয়, ‘এয়া ভিএফএক্স যেন দেখিছে নেকি? প্ৰথম চাৰিটা পেক মোৰ আগৰে পৰাই আছে। এই দুটা চিনেমাৰ বাবে বনাইছো। অৰ্থাৎ চিনেমাৰ বাবেই মই ছিক্স পেক বনাইছিলো।’
That’s confidence level and proving haters wrong. No VFX sheer body building ❤️❤️. #SalmanKhan𓃵 #KisiKaBhaiKisiKiJaan #KisiKaBhaiKisiKiJaanTrailer
— Being Abhi (@Being_Abhi_23) April 10, 2023
৫৭ বছৰ বয়সতো বডী ধৰি ৰাখিছে ছলমানে সেই কথা সোমবাৰৰ বিশেষ অনুষ্ঠানত প্ৰমাণ দিয়ে ভাইজানে। সম্পাদনাৰ কাৰচাজি নহয়, পৰ্দাত যি দেখিছে সেয়া সঁচা। ‘কিছি কি ভাই কিছি কি জান’ ছবিৰ ‘ইয়েনতম্মা’ গীতটো মুক্তিৰ পাছতেই ছলমানৰ বডীক লৈ চলিছিল চৰ্চা। ইফালে গীতটোত ছলমানে কৰা নাচক লৈয়ো আপত্তি একাংশৰ। কিয়নো নাচৰ সময়ত ছলমানে ধুঁতিৰ ভিতৰত হাত সোমোৱাই নৃত্য কৰিছিল। এয়া দক্ষিণৰ সংস্কৃতিক অপমান কৰা হৈছে বুলি প্ৰকাশ কৰিছে প্ৰাক্তন ক্ৰিকেটাৰ শিৱৰামকৃষ্ণণ।
একাধিকবাৰ ভাইজানক প্ৰাণনাশৰ ভাবুকি দি অহাৰ বাবে শেহতীয়াকৈ তেওঁ ক্ৰয় কৰিছে এখন বুলেট প্ৰুফ বাহনো। সোমবাৰে ‘কিছি কি ভাই কিছি কি জান’ ছবিৰ ট্ৰেলাৰ মুকলিৰ অনুষ্ঠানতো বুলেটপ্ৰুফ গাড়ীতেই আহিছে ছলমান খান। সেই বুলেটপ্ৰুফ গাড়ীখনৰ দাম প্ৰায় ১ কোটি টকা। ইফালে ছলমানে ছাৰ্ট খোলাৰ লগে লগেই একাংশই লিখিছে, ‘জুই, ইয়াকেই কয় আত্মবিশ্বাস’, ইত্যাদি ইত্যাদি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
