ষ্টেণ্ড আপ কমেডিয়ান সময় ৰাইনাই তেওঁৰ শ্ব’ “ইণ্ডিয়াজ গট টেলেণ্ট”ৰ বাবে বাতৰিৰ শিৰোনাম দখল কৰিছে। এইবাৰ সম্পূৰ্ণ বেলেগ কাৰণত তেওঁ দৃষ্টি আকৰ্ষণ কৰিছে। তেওঁ অসমৰ বানপীড়িত লোকসকলক ১০ লাখ টকাৰ অনুদান আগবঢ়ায়। এই তথ্য মুখ্যমন্ত্রী হিমন্ত বিশ্ব শর্মাৰ নিজৰ অফিচিয়েল একাউন্টৰ পৰা শ্বেয়াৰ কৰে আৰু লেনদেনৰ স্ক্ৰীণশ্বটো আগবঢ়ায়। অনুৰাগীয়ে তেওঁৰ যথেষ্ট প্ৰশংসা কৰিছে।
ইতিমধ্যে ভূমি পেডনেকাৰ, চলমান খানৰ দৰে নামকে ধৰি অসমৰ বানাক্ৰান্তক সহায়ৰ হাত আগবঢ়াইছে বলীউডৰ বহু চেলিব্ৰিটিয়ে। বহু প্ৰভাৱশালী ব্যক্তিয়েও সহায় কৰিছে। কিন্তু ছ’চিয়েল মিডিয়াত চৰ্চিত হৈছে সময় ৰাইনাৰ অনুদান। ইয়াৰ কাৰণ কি জানেনে?
ছ’চিয়েল মিডিয়াত দিয়া তথ্য
সময় ৰাইনাই মুখ্যমন্ত্ৰীৰ সাহায্য পুঁজিলৈ ১০ লাখ টকা আগবঢ়ায়। ইয়াৰ পাছতে মুখ্যমন্ত্রীয়ে স্ক্ৰীণশ্বট শ্বেয়াৰ কৰিছে।
ইণ্টাৰনেটত প্ৰতিক্ৰিয়া
এই টুইটটোৱে অসংখ্য প্ৰতিক্ৰিয়া লাভ কৰিছে। এজন ব্যৱহাৰকাৰীয়ে লিখিছে, “ছাৰ, মাত্ৰ এফআইআৰটো চাওক।” ২০২৫ চনত মুখ্যমন্ত্ৰী হিমন্ত বিশ্ব শৰ্মাই সময় ৰাইনাৰ শ্ব’ “ইণ্ডিয়াজ গট লেটেণ্ট”ক সমালোচনা কৰিছিল আৰু প্ৰভাৱশালী ব্যক্তিজনৰ বিৰুদ্ধেও এফআইআৰ দাখিল কৰিছিল।
সহায়ৰ বাবে আগবাঢ়ি আহিছিল এই তাৰকাসকল
অসম বানাক্ৰান্ত ৰাইজলৈও সহায়ৰ হাত আগবঢ়াইছে চলমান খানে। তেওঁৰ এন জি অ’ বিয়িং হিউমেনৰ জৰিয়তে স্থানীয় ফেন ক্লাবৰ সৈতে কাম কৰি আছে। তদুপৰি খবৰ অনুসৰি তেওঁ গ্ল’বেল শিখসকলৰ সৈতে প্ৰজেক্ট আছিয়ানাও আৰম্ভ কৰিছে যাতে বানপানীত ঘৰ হেৰুৱাই ক্ষতিগ্ৰস্ত লোকসকলক উলিয়াই অনাত সহায় কৰে। ভূমি পেডনেকাৰেও ছ’চিয়েল মিডিয়াত বানাক্ৰান্তৰ বাবে সহায়ৰ বাবে অহৰহ আবেদন জনাই থকাৰ বিপৰীতে অভিনেতা ৰনদীপ হুদাই ব্যক্তিগতভাৱে অসমলৈ সহায়ৰ হাত আগবঢ়াইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
