২৪ ঘণ্টাত এবাৰ আমাৰ জিভাত থাকে মা সৰস্বতী, এই সময়ত যি কয় সঁচা প্ৰমাণিত হয়

কাইলৈ ২ ফেব্ৰুৱাৰী দেওবাৰে পুৱা ৯বাজি ১৪ মিনিটত পঞ্চমী পৰিছে৷ ৩ ফেব্ৰুৱাৰী সোমবাৰে পুৱা ৬ বাজি ৫২ মিনিট পৰ্যন্ত পঞ্চমী থাকিব৷ তাৰপাছতেই মাঘৰ শুক্লা ষষ্ঠী তিথি পৰিব৷ উদয়া তিথি অনুসৰি ৩ ফেব্ৰুৱাৰী হৈছে বসন্ত পঞ্চমী৷ কিন্তু সেইদিনা যিহেতু খুব সোনকালেই পঞ্চমী এৰিব সেয়ে ২ নে ৩ ফেব্ৰুৱাৰীত সৰস্বতী পূজা কৰিব সেই বিষয়ক লৈ চিন্তাত পৰিছে বহুজনেই৷ পঞ্জিকা অনুসৰি দিনৰ ১২ বাজি ৩৪ মিনিটত পঞ্চমী পৰিছে৷ সোমবাৰে ৯ বাজি ৫৯ মিনিটত পঞ্চমী এৰিব৷ পুৱা পঞ্চমী এৰি গ’লেও বসন্ত পঞ্চমী তিথি যিহেতু ৩ ফেব্ৰুৱাৰীত সেয়ে সেই দিনাই পূজা কৰাৰ পৰামৰ্শ দিছে জ্যোতিষবিদে৷

জিভাত অৱস্থান দেৱী সৰস্বতীৰ

শাস্ত্ৰ অনুসৰি দিনটোত এবাৰ হ’লেও আমাৰ জিভাত মা সৰস্বতীয়ে অধিষ্ঠান কৰে৷ সেই সময়তেই আমি কোৱা সকলো কথাই নিশ্চিতভাৱে সত্য হয়৷ জানি থওক দিনৰ কোন সময়ত আমাৰ জিভাত মা সৰস্বতীৰ বাস৷

ব্ৰাহ্ম মুহূৰ্ত

হিন্দুধৰ্ম অনুসৰি ব্ৰাহ্ম মুহূৰ্ত হৈছে দিনৰ সকলোতকৈ শুভ সময়৷ পুৱতি নিশা ৩ বজাৰ পাছত সূৰ্যোদয় নোহোৱা পৰ্যন্ত এই সময়েই হৈছে ব্ৰাহ্ম মুহূৰ্ত৷ মুটামুটি নিশা ৩ বজাৰ পৰা পুৱা ৪বাজি ৩০ মিনিট পৰ্যন্ত এই সময়ক ব্ৰাহ্ম মুহূৰ্ত বুলি কোৱা হয়৷ এই সময়তেই মা সৰস্বতীয়ে আমাৰ জিভাত অৱস্থান কৰে বুলি শাস্ত্ৰ অনুসৰি ধাৰণা কৰা হয়৷ এই সময়ত কোৱা প্ৰতিটো শব্দই সঁচা হয় বুলি প্ৰচলিত বিশ্বাস৷

ঘৰৰ প্ৰবীণসকলে কয় যে এই সময়ত তিক্ত বা ৰূঢ় কথা ক’ব নালাগে৷ বিশেষকৈ পুৱা কেতিয়াও বেয়া কথা ক’ব নালাগে৷ কাৰণ এই সময়ত যদি মা সৰস্বতীয়ে আমাৰ জিভাত অৱস্থান কৰে তেন্তে সেই কথা সঁচা হ’লে অন্যৰ লগতে আমাৰ নিজৰো ক্ষতি হ’ব পাৰে৷