হিন্দু ধৰ্মত শাওন মাহৰ বিশেষ মাহাত্ম্য আছে৷ সনাতন ধৰ্মত এই মাহ শিৱৰ নামৰ সমৰ্পিত৷ এই মাহত নিয়ম মানি শিৱৰ আৰাধনা কৰিলে মহাদেৱৰ কৃপাত সমস্ত মনোকামনা পূৰণ হয়৷ এই বছৰ শাওন মাহত তৈয়াৰ হ’ব কেইবাটাও দুৰ্লভ যোগ৷ অৱশ্যে দুটা পদ্ধতি মানি শাওন মাহৰ গণনা কৰা হয়৷ সংক্ৰান্তি অনুসৰি আৰু পূৰ্ণিমা অনুসৰি৷ পূৰ্ণিমা তিথি অনুসৰি ২২ জুলাইৰ পৰা শাওন মাহ আৰম্ভ হৈছে আৰু শেষ হ’ব ১৯ আগষ্টত৷ অন্যহাতে সংক্ৰান্তি অনুসৰি ১৬ জুলাইত সূৰ্যই কৰ্কট ৰাশিত প্ৰৱেশ কৰিব৷ এই পৰিস্থিতিত সংক্ৰান্তিৰ পাছত অৰ্থাৎ ১৭ জুলাইৰ পৰা শাওণ মাহৰ আৰম্ভ হৈ ১৭ আগষ্ট লৈকে থাকিব৷ পূৰ্ণিমা তিথি অনুসৰি চালে এইবছৰ শাওন মাহত ৫টা সোমবাৰ পৰিছে৷ আকৌ সংক্ৰান্তি অনুসৰি গণনা কৰিলে ৪ টা সোমবাৰ আছে৷
শাওন সোমবাৰৰ তাৰিখ
শাওন মাহৰ সোমবাৰৰ বিশেষ মাহাত্ম্য আছে৷ শাওন মাহত ৪ৰ পৰা ৫টা সোমবাৰ পৰে৷ এই বছৰ শাওনত চাৰিটা সোমবাৰে শিৱ পুজা কৰিলে সৌভাগ্য অৰ্জন কৰিব ভক্তই৷ শাওনৰ সোমবাৰৰ তাৰিখসমূহ জানি থওক৷
শাওন মাহৰ প্ৰথম সোমবাৰ- ২২ জুলাই ২০২৪
শাওনৰ দ্বিতীয় সোমবাৰ- ২৯ জুলাই ২০২৪
শাওনৰ তৃতীয় সোমবাৰ- ৫ আগষ্ট ২০২৪
শাওন মাহৰ চতুৰ্থ আৰু শেষ সোমবাৰ-১২ আগষ্ট ২০২৪
শাওন মাহৰ মাহাত্ম্য
হিন্দু ধৰ্ম অনুসৰি শাওন মাহত সিৱৰ ৰুদ্ৰ ৰূপে সৃষ্টিক সঞ্চালন কৰে৷ প্ৰচলিত বিশ্বাস অনুসৰি শিৱক অৰ্জন কৰিবৰ বাবে পাৰ্বতীয়ে কঠোৰ তপস্যা কৰিছিল৷ শাওন মাহত শিৱই পাৰ্বতীক নিজৰ স্ত্ৰীৰূপে স্বীকাৰ কৰাৰ প্ৰতিশ্ৰুতি দিছিল৷ সেয়ে এই মাহটো শিৱৰ প্ৰিয় আৰু এই মাহত পূজাৰ্চনা কৰিলে ব্যক্তিয়ে ভাল ফল লাভ কৰে৷ ইয়াৰোপৰি যি ব্যক্তিয়ে শাওন মাহৰ সোমবাৰ সমূহত উপবাস কৰে তেওঁলোকে সমস্ত সুখ লাভ কৰে৷
শাওন মাহত শিৱ পুজাৰ নিয়ম
শাওন মাহৰ সোমবাৰে পুৱাই গা ধুই পৰিস্কাৰ পোছাক পৰিধান কৰক৷
ঘৰত পুজা সম্পন্ন কৰি দেৱদেৱীৰ সন্মুখত প্ৰদীপ জ্বলাওক৷
শিৱ মন্দিৰত গৈ গংগাজল আৰু গাখীৰ দি শিৱৰ অভিষেক কৰক৷
শিৱক ফুল, বেলপাত নিবেদন কৰক৷
ইয়াৰোপৰি প্ৰদীপ, কৰ্পূৰ, ধূপকাঠি জ্বলাই আৰতি কৰক৷
শিৱৰ ধ্যান বা কোনো মন্ত্ৰ জপ কৰক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
