বিনিয়োগৰ উদ্দেশ্যই হৈছে ধন বঢ়োৱা৷ তাৰ বাবে বজাৰত বহু বিকল্প আছে তাত কোনো সন্দেহ নাই৷ কিন্তু সকলোবোৰ স্কিমেই যে নিৰাপদ তেনে নহয়৷ বহু ক্ষেত্ৰত বজাৰৰ ওঠানমাৰ সৈতে ধন হেৰুৱাৰো ৰিস্ক থাকে৷ যদি কোনোৱে নিৰাপদ বিনিয়োগ বিচাৰে আৰু বজাৰৰ ওঠানমাৰ পৰা দূৰৈত থাকিব খোজে তেন্তে ফিক্সড ডিপোজিট এক নিৰ্ভৰযোগ্য বিকল্প৷
দেশৰ বৃহত্তম চৰকাৰী বেংক, ষ্টেট বেংক অফ ইণ্ডিয়া৷ এই বেংকে গ্ৰাহকৰ বাবে বিভিন্ন এফ ডি স্কিমত চমৎকাৰ সুদৰ হাৰ দিছে৷ এছ বি আইত ন্যূনতম ৭ দিনৰ বাবে এটা এফ ডি একাউণ্ট খুলিব পাৰে৷ ইয়াৰোপৰি এই চৰকাৰী বেংকত সৰ্বোচ্চ ১০বছৰৰ বাবে এটা এফ ডি একাউণ্ট খুলিব পাৰে৷ এছ বি আইয়ে তেওঁলোকৰ গ্ৰাহকক বিভিন্ন ম্যাদৰ এফ ডি একাউণ্টত ৩.০৫ শতাংশৰ পৰা ৭.০৫ শতাংশ পৰ্যন্ত সুদৰ হাৰ প্ৰদান কৰে৷ ইয়াতেই আমি জনাব খুজিছো এছ বি আইৰ এক ২১১ দিনৰ এফ ডিত ২,০০,০০০ টকা জমা ৰাখিলে কিমান সুদ পোৱা যাব?
ষ্টেট বেংক অফ ইণ্ডিয়াই তেওঁলোকৰ ৪৪৪ দিনৰ অমৃত বাৰ্ষিকি স্পেছিয়েল এফ ডি স্কিমত সাধাৰণ নাগৰিকসকলৰ বাবে সৰ্বোচ্চ সুদৰ হাৰ দিছে৷ এই বেংকে অমৃত বৰ্ষা এফ ডি প্ৰকল্পত সাধাৰণ নাগৰিকৰ বাবে সৰ্বোচ্চ ৬.৪৫ শতাংশ, চিনিয়ৰ চিটিজেনৰ বাবে ৬.৯৫ শতাংশ আৰু ছুপাৰ চিনিয়ৰ চিটিজেনৰ বাবে ৭.০৫ শতাংশ সুদ প্ৰদান কৰে৷ ইয়াৰোপৰি এছ বি আইয়ে ২১১ দিনৰ পৰা ১ বছৰৰ কম ম্যাদৰ এফ ডি প্ৰকল্পসমূহত সাধাৰণ নাগৰিকসকলৰ বাবে ৫.৯০ শতাংশ, চিনিয়ৰ চিটিজেনৰ বাবে ৬.৪০ শতাংশ আৰু ছুপাৰ চিনিয়ৰ চিটিজেনৰ বাবে সৰ্বোচ্চ ৬.৫০ শতাংশ সুদ প্ৰদান কৰে৷
কোনোৱে যদি ষ্টেট বেংক অফ ইণ্ডিয়াৰ এটা ২১১ দিনৰ এফ ডি প্ৰকল্পত ২ লাখ টকা জমা কৰে, তেন্তে সাধাৰণ নাগৰিকে ম্যাদপূৰ্তিত ৬৮৮৭ টকা নিৰ্দিষ্ট সুদসহ মুঠ ২,০৬,৮৮৭ টকা পাব৷ একেদৰে ষ্টেট বেংক অফ ইণ্ডিয়াৰ এটা ২১১ দিনৰ এফ ডি স্কিমত ২ লাখ জমা ৰাখিলে চিনিয়ৰ চিটিজেনে ম্যাদপূৰ্তিত ৭,৪৭৭ টকা নিৰ্দিষ্ট সুদসহ মুঠ ২,০৭,৪৭৭ টকা পাব৷ অন্য দিশত ছুপাৰ চিনিয়ৰ চিটিজেনে ষ্টেট বেংক অফ ইণ্ডিয়াৰ এটা ২১১ দিনৰ এফ ডি স্কিমত ২ লাখ টকা জমা ৰাখিলে নিৰ্দিষ্ট সুদসহ মুঠ ২,০৭,৫৯৫ টকা পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
