জ্যোতিষশাস্ত্ৰত সমস্ত গ্ৰহৰেই বিশেষ গুৰুত্ব আছে৷ সেয়ে প্ৰতিটো গ্ৰহৰ স্থান পৰিবৰ্তনে ১২ ৰাশিৰ জীৱনত শুভ-অশুভ প্ৰভাৱ পেলাই বুলি জ্যোতিষশাস্ত্ৰত কোৱা হয়৷ শুক্ৰক ধন বৈভৱ, প্ৰেম আৰু সৌন্দৰ্যৰ কাৰক গ্ৰহ বুলি কোৱা হয়৷ জ্যোতিষশাস্ত্ৰ অনুসৰি কুণ্ডলীত শুক্ৰৰ অৱস্থান শক্তিশালী হ’লে জীৱন সুখ আৰু সমৃদ্ধিৰে ভৰি উঠে বুলি কোৱা হয়৷ সেয়ে শুক্ৰৰ অৱস্থান পৰিবৰ্তনে বিভিন্ন ৰাশিৰ জীৱনলৈ পৰিবৰ্তন আনে৷ বৰ্তমান মীন ৰাশিত অৱস্থান কৰি মালব্য ৰাজযোগ তৈয়াৰ কৰি আছে এই গ্ৰহই৷
শীঘ্ৰেই মীন ৰাশিত বক্ৰী হ’ব এই গ্ৰহ৷ আগন্তুক ২ মাৰ্চৰ পুৱা ৫ বাজি ১২ মিনিটত ওলোটা পথেৰে যাত্ৰা আৰম্ভ কৰিব শুক্ৰই৷ যাৰ ফলত কেইবাটাও ৰাশিৰ সৌভাগ্যৰ দুৱাৰ খুলিব৷ আপুনিও আছে নেকি সেই সৌভাগ্যবানৰ তালিকাত?
মেষ ৰাশি
শুক্ৰৰ বক্ৰী গতি মেষ ৰাশিৰ বাবে লাভজনক হ’ব৷ সংসাৰত অৰ্থ সংকট দূৰ হ’ব৷ কেৰিয়াৰত উন্নতিৰ সুযোগ আহিব৷ কৰ্মক্ষেত্ৰত ইমানদিনে কৰা পৰিশ্ৰম কামত আহিব৷ ব্যৱসায়ত লাভৰ মুখ দেখিব৷ সংগীৰ সৈতে সম্পৰ্ক মজবুত হ’ব৷
কৰ্কট ৰাশি
শুক্ৰৰ প্ৰভাৱত কৰ্কট ৰাশিৰ ভাগ্যোদয় হ’ব৷ ঘৰত কোনো শুভ অনুষ্ঠানৰ আয়োজন কৰিব পাৰে৷ কৰ্মক্ষেত্ৰত কামৰ প্ৰশংসা পাব৷ নতুন কামত দায়িত্ব পাব পাৰে৷ ব্যৱসায়ত ডাঙৰ কোনো চুক্তি কৰিব পাৰে যিয়ে ভৱিষ্যতে আপোনাৰ লাভ দিব৷ পৰিয়ালৰ সদস্যসকলৰ সৈতে ফুৰিবলৈ যোৱাৰ পৰিকল্পনা কৰিব পাৰে৷
তুলা ৰাশি
শুক্ৰৰ বক্ৰী দশাই তুলা ৰাশিৰ অৰ্থভাগ্য সলনি কৰিব৷ বহু দিন ধৰি কোনো ধন পাবলগীয়া থাকিলে সেই ধন লাভ কৰিব৷ লটাৰী কাটিলে কিংবা ডাঙৰ বিনিয়োগ কৰিলেও লাভৱান হ’ব৷ কৰ্মক্ষেত্ৰত নতুন দায়িত্ব পাব পাৰে৷ যি কোনো কামত পৰিয়ালৰ সহযোগিতা পাব৷
ধনু ৰাশি
শুক্ৰৰ প্ৰভাৱত জীৱনৰ বিভিন্ন দুশ্চিন্তা ক্ৰমশ দূৰ হ’ব৷ আয়ৰ নতুন উৎস বিচাৰি পাব পাৰে৷ শ্বেয়াৰ বজাৰত অৰ্থ লগ্নি কৰিলে ভৱিষ্যতে লাভ পাব৷ দাম্পত্যত সুখ থাকিব৷ সন্তানৰ পৰা কোনো সুখবৰ পাব পাৰে৷
মীন ৰাশি
মীন ৰাশিৰ ওপৰত শুক্ৰৰ বক্ৰী দশাৰ সকলোতকৈ বেছি প্ৰভাৱ থাকিব৷ ব্যক্তিত্বত ইতিবাচক পৰিবৰ্তন আহিব পাৰে৷ সমাজত মান সন্মান বাঢ়িব৷ কামৰ চাপ বাঢ়িব পাৰে৷ পেছাগত আৰু ব্যক্তিগত জীৱনৰ মাজত সামঞ্জস্য ৰাখি চলিব৷ অবিবাহিতসকলৰ বিবাহৰ যোগ আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
