আজি অৰ্থাৎ ২ জানুৱাৰী প্ৰেম, বিলাসিতা আৰু সৌন্দৰ্যৰ প্ৰতীক গ্ৰহ শুক্ৰই পূৰ্বাষাঢ়া নক্ষত্ৰৰ দ্বিতীয় পদত গমন কৰিছে৷ শুকুৰবাৰে দুপৰীয়া ১ বাজি ৩৯ মিনিটত পূৰ্বাষাঢ়া নক্ষত্ৰৰ দ্বিতীয় পদত প্ৰৱেশ কৰিছে শুক্ৰই৷ যিয়ে সকলো ৰাশিৰ জাতকৰ ওপৰত শুভ আৰু অশুভ উভয় প্ৰভাৱেই পেলাব৷ শুক্ৰৰ এই পৰিবৰ্তনত বিশেষভাৱে লাভৱান হব এই ৪ৰাশিৰ জাতক৷ সম্পৰ্কত ৰোমান্স বঢ়াৰ পৰা আৰম্ভ কৰি আয় বৃদ্ধি সকলোবোৰেই ঘটিব৷ কোন ৪ৰাশিৰ জীৱন সলনি হ’ব?
বৃষ ৰাশি
বৃষ ৰাশিৰ জাতকৰ বাবে পূৰ্বাষাঢ়া নক্ষত্ৰৰ দ্বিতীয় ঘৰত শুক্ৰৰ প্ৰৱেশে বিশেষ সুবিধা কঢ়িয়াই আনিব পাৰে৷ এই ৰাশিৰ জাতকৰ জীৱনত হঠাৎ ইতিবাচক পৰিবৰ্তন আহিব পাৰে৷ বৈবাহিক জীৱনত উন্নতি হব৷ প্ৰেম আৰু বুজাপৰা গাঢ় হব৷ নানান ক্ষেত্ৰত সুযোগ-সুবিধা বৃদ্ধি পাব পাৰে৷ এই সময়ত জাতকৰ কোনো সুপ্ত ইচ্ছা পূৰণৰো সুযোগ আহিব পাৰে৷
কন্যা ৰাশি
কন্যা ৰাশিৰ জাতকৰ বাবে পূৰ্বাষাঢ়া নক্ষত্ৰৰ দ্বিতীয় ঘৰত শুক্ৰৰ গোচৰে সাফল্যৰ দ্বাৰ খুলি দিব পাৰে৷ পাৰিবাৰিক পৰিসৰত সন্মান বৃদ্ধি পাব৷ পৰিয়ালৰ সদস্যসকল আপোনাৰ কাৰণে গৰ্বিত হব৷ নতুন সম্পত্তি ক্ৰয়ৰ সুযোগ তৈয়াৰ হব পাৰে৷ মানসিক শান্তি বৰ্তি থাকিব৷ অতিৰিক্ত অৰ্থ উপাৰ্জনৰ বাবে নানান পথ বিচাৰি পাব পাৰে৷ জীৱনসংগীৰ কাষৰ পৰা নিজৰ কামত পূৰ্ণ সমৰ্থন পাব৷
তুলা ৰাশি
তুলা ৰাশিৰ জাতকৰ বাবে শুক্ৰৰ এই গমনে শুভ ফল কঢ়িয়াই আনিব পাৰে৷ দীৰ্ঘ প্ৰচেষ্টাৰ ফল পাব পাৰে৷ শুক্ৰৰ প্ৰভাৱত জীৱনত আৰাম আৰু বিলাসিতা বৃদ্ধি পাব পাৰে৷ লেখামেলাত আগ্ৰহ থাকিলে উন্নতিৰ সম্ভাৱনা বেছি৷ পৰিয়ালৰ সদস্যৰ পৰা সহায়তা পাব৷ ভায়েক ভনীয়েকৰ সহায়ত সমস্যাৰ সমাধান বিচাৰি পাব পাৰে৷
মকৰ ৰাশি
পূৰ্বাষাঢ়া নক্ষত্ৰৰ অধিপতি গ্ৰহ শুক্ৰ৷ মকৰ ৰাশিৰ জাতকে শুক্ৰৰ নিজ নক্ষত্ৰৰ দ্বিতীয় ঘৰত গমনৰ ফলত উপকৃত হব পাৰে৷ ভাগ্য সলনি হ’ব৷ জীৱনত দুখ কমিব৷ ভৱিষ্যতৰ বাবে কোনো বিনিয়োগ বা অন্য কাম আৰম্ভ কৰাৰ বাবে এই সময় ভাল৷ বিবাহৰ প্ৰস্তাৱ পাব পাৰে৷ আয়ৰ একাধিক পথ খুলি যাব পাৰে৷ শিক্ষাগত কামত ব্যয়ৰ প্ৰয়োজন হব পাৰে৷ নিজৰ লক্ষ্য অৰ্জন কৰিব পাৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
