অসম লাইভ ২৪ঃ সুশান্ত সিং ৰাজপুতৰ আত্মহত্যা আৰু বলীউডৰ ড্ৰাগছ কেলেংকাৰিৰ সৈতে জড়িতৰ অভিযোগত গ্ৰেপ্তাৰ অভিনেতা সিদ্ধাৰ্থ পিঠানী। শুকুৰবাৰে পুৱা হায়দৰাবাদৰ পৰা NCB য়ে গ্ৰেপ্তাৰ কৰে অভিনেতা তথা সুশান্তৰ বন্ধু সিদ্ধাৰ্থ পিঠানীক। ১৪ জুনত এবছৰ সম্পূৰ্ণ হ’ব সুশান্ত সিং ৰাজপুতৰ আত্মহত্যাৰ। আৰক্ষীৰ ভাষ্য অনুসৰি, আত্মহত্যাৰ পাছত সুশান্তক প্ৰথমে প্ৰত্যক্ষ কৰিছিল সিদ্ধাৰ্থ পিঠানীয়ে। আৰক্ষীৰ সৈতে যোগাযোগ কৰাৰ উপৰি এম্বুলেন্সও মাতিছিল অভিনেতাগৰাকীয়ে। সুশান্তৰ মৃত্যুৰ পাছতেই ড্ৰাগছ কেলেংকাৰিত জড়িতসকলৰ বিৰুদ্ধে অভিযান অব্যাহত ৰাখিছে NCBয়ে। ঘটনা সন্দৰ্ভত ইতিমধ্যে cbiয়ে গ্ৰেপ্তাৰ কৰিছে বহু ব্যক্তিক। পূৰ্বেও CBIয়ে ঘটনা সন্দৰ্ভত সোধা-পোছা কৰিছিল সিদ্ধাৰ্থ পিঠানীক। CBIক দিয়া ভাষ্য অনুসৰি বিগত বৰ্ষৰ জানুৱাৰীৰ পৰা সুশান্তৰ সৈতে একেলগে আছিল সিদ্ধাৰ্থ। ড্ৰাগছ কেলেংকাৰিৰ অভিযোগত গ্ৰেপ্তাৰ হোৱা সুশান্তৰ প্ৰেমিকা ৰিয়া চক্ৰৱৰ্তী আৰু ৰিয়াৰ ভাতৃক জেললৈ প্ৰেৰণ কৰিছিল CBIয়ে। বৰ্তমান জামিনত আছে ৰিয়া আৰু ভাতৃ। ইফালে, CBIয়ে সোধা-পোছা অব্যাহত ৰাখিছে সুশান্তৰ বন্ধু সিদ্ধাৰ্থ পিঠানীক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ