আকৌ এবাৰ সন্ত্ৰাসবাদীৰ টাৰ্গেট পাঞ্জাৱী গায়ক৷ জনপ্ৰিয় গায়ক এ পি ধিলনৰ কা়নাডাৰ ঘৰৰ সন্মুখত কেইবাজাই গুলিচালনা৷ ১ ছেপ্টেম্বৰত সংঘটিত হৈছে এই ঘটনা৷ ঘটনাৰ পাছতেই নিজৰ ইনষ্টাগ্ৰাম ষ্টৰীত গায়কে জনাই যে, তেওঁ এতিয়া সুস্থ হৈ আছে৷ সুৰক্ষিতও হৈ আছে৷ তেওঁৰ পৰিয়ালৰ সকলোবোৰেই সুস্থ হৈ আছে৷ এই ঘটনা পাঞ্জাৱী গায়কৰ সৈতে নতুন নহয়৷ সিধু মুছোৱালা, অমৰ সিং চমকিলাৰ দৰে শিল্পীসকলেও এই আক্ৰমণৰ স্বীকাৰ হৈছে৷
চাঞ্চল্যকৰ বিষয় যে এই ঘটনাৰ দায় স্বীকাৰ কৰিছে গেংষ্টাৰ লৰেন্স বিষ্ণোই আৰু ৰোহিত গোদৰাৰ গেঙে৷ ঠিক সময়ত প্ৰশাসনৰ লোক ঘটনাস্থলত উপস্থিত হোৱাৰ বাবে কোনো ক্ষয়ক্ষতি নহ’ল৷ কিছুদিন পূৰ্বেই অভিনেতা ছলমান খানৰ সৈতে এটা মিউজিক ভিডিঅ’ কৰিছে ধিলনে৷
অল্ড মানি ভিডিঅ’ প্ৰকাশ কৰাৰ কেইবাসপ্তাহ পাছতেই এই আক্ৰমন হয়৷ লৰেন্স বিষ্ণোই ধিলনক ধমকি দিওঁতে ভাইজানৰ সৈতে কোনো সম্পৰ্কৰ কথা জনোৱা নাই৷ বিষ্ণোইৰ ধমকিৰ পাছতেই ধিলনে লিখিছে, ‘মই ঠিকেই আছো৷ মোৰ পৰিয়ালো ঠিকেই আছে৷ ধন্যবাদ সকলোকে৷ মোৰ সুৰক্ষাৰ বাবে যিসকল আগুৱাই আহিছিল৷ আপোনালোকৰ সমৰ্থনৰ বাবে ধন্যবাদ৷ শান্তি, ভালপোৱা সকলোলৈকে৷’ পাঞ্জাৱৰ এখন সৰু গাওঁ, গুৰুদাসপুৰৰ পৰা আহিছে ধিলন৷ সমগ্ৰ বিশ্বতেই জনপ্ৰিয় এতিয়া তেওঁৰ গীত৷ এই গায়ককেই বিষ্ণোই গেঙে দিছে প্ৰাণে মৰাৰ ভাবুকি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
