অসম লাইভ২৪ঃ দুৰ্ঘটনাত পতিত হৈছে জনপ্ৰিয় গায়ক জুবিন ন’টিয়াল। ছিৰিৰ পৰা ভৰি পিছলি বাগৰি পৰে জনপ্ৰিয় গায়কগৰাকী। এনেদৰে বাগৰি পৰাত গুৰুতৰভাৱে আঘাতপ্ৰাপ্ত হৈছে জনপ্ৰিয় কণ্ঠশিল্পীগৰাকী। প্ৰাপ্ত তথ্যমতে জুবিনৰ ভৰিৰ হাড় আৰু কান্ধৰ কাষৰ হাড় ভাঙিছে। মূৰতো গুৰুতৰভাৱে আঘাত পাইছে শিল্পীগৰাকীয়ে।
ততাতৈয়াকৈ মুম্বাইৰ এখন হাস্পতালত ভৰ্তী কৰোৱা হৈছে জুবিনক। হাড় ভাঙি যোৱাৰ বাবেই বাওঁ হাতৰ অস্ত্ৰোপছাৰো কৰা বুলি এক সূত্ৰই প্ৰকাশ কৰিছে।
বহু জনপ্ৰিয় গীতত কণ্ট নিগৰোৱা শিল্পীগৰাকীৰ এই দুৰ্ঘটনাৰ খবৰ পোৱা মাত্ৰকেই চিন্তিত হৈ পৰিছে অনুৰাগীসকলো। প্লেবেক ছিংগাৰ জুবিনে কণ্ঠ নিগৰোৱা গীতসমূহৰ ভিতৰত আছে তু আয়ে ছামনে, মানিকে, দিল গলতী কৰ বৈঠা হে ইত্যাদি ইত্যাদি। বিগত সপ্তাহতেই ডুবাইৰ এক লাইভ কনচাৰ্টটো ভাগ লৈছিল জুবিনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
