অসম লাইভ ২৪ঃ ৰাজ্যত অব্যাহত আছে ক’ৰোনাৰ দ্বিতীয় ঢৌৰ সংহাৰী ৰূপ। আজিৰে পৰা প্ৰশাসনে পৰ্যটকৰ বাবে বন্ধ কৰিলে শিৱসাগৰৰ সকলো পৰ্যটনস্থলী। শিৱসাগৰৰ ৰংঘৰ, কাৰেংঘৰ, তলাতল ঘৰ আৰু শিৱদ’ল বন্ধ ৰখাৰ জৰুৰী নিৰ্দেশনা জাৰি কৰিছে কেন্দ্ৰীয় পুৰাতত্ত্ব বিভাগে। ১৫ মে’লৈকে বন্ধ থাকিব সকলোবোৰ পৰ্যটনস্থলী।
তদুপৰি, আজিৰে পৰা পৰ্যটকৰ বাবে পুনৰ বন্ধ কৰা হ’ল আগ্ৰাৰ তাজ মহল, লালকিল্লা আৰু ফাটেহপুৰ চিক্ৰী। কেন্দ্ৰীয় সাংস্কৃতিক পৰিক্ৰমা মন্ত্ৰালয়ে জাৰি কৰিলে এই নিৰ্দেশনা। ক’ৰোনাৰ দ্বিতীয় ঢৌৰ সংহাৰী ৰূপত প্ৰতিদিনে ক’ৰোনাত আক্ৰান্ত হৈছে লাখ লাখ লোক। ঠায়ে ঠায়ে লকডাউন, সাপ্তাহিক লকডাউন, সান্ধ্য আইন জাৰি কৰিছে প্ৰশাসনে। দেশৰ পৰ্যটনস্থলীসমূহৰ লগতে সকলোবোৰ প্ৰত্নতাত্বিক স্থান বন্ধ ৰখাৰ নিৰ্দেশ জাৰি কৰিছে কেন্দ্ৰই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
