কেৱল আল্লু অৰ্জুনেই নহয়, পূৰ্বে কেইবাগৰাকী অভিনেতা-অভিনেত্ৰী যাব লগা হৈছে ৰঙাঘৰ
সমগ্ৰ দেশতে তোলপাৰ লগাই থকা দক্ষিণৰ চিনেমা ‘পুষ্পা ২’ৰ তাৰকা আল্লু অৰ্জুনক আজি শুকুৰবাৰে আৰক্ষীয়ে গ্ৰেপ্তাৰ কৰে। ৪ ডিচেম্বৰত হায়দৰাবাদত তেওঁৰ ছবিখনৰ প্ৰিমিয়াৰৰ সময়ত সংঘটিত হোৱা পদপিষ্টৰ ঘটনা সন্দৰ্ভত তেওঁক সোধা-পোছা কৰা হ’ব।
পাছে এয়া প্ৰথমবাৰৰ বাবে নহয় যে আৰক্ষীয়ে কোনো তাৰকাক গ্ৰেপ্তাৰ কৰিছে। আনকি বহুতে জেলতো থাকিবলগীয়া হৈছিল। তেনে কেইগৰাকীমান তাৰকা হৈছে-
সঞ্জয় দত্ত
১৯৯৩ চনত মুম্বাইত সংঘটিত বোমা বিস্ফোৰণৰ পিছতে গ্ৰেপ্তাৰ হৈছিল অভিনেতা সঞ্জয় দত্ত। বহু শুনানিৰ পাছত সঞ্জয় দত্তক অস্ত্ৰ আইনৰ অধীনত দোষী সাব্যস্ত কৰি পাঁচ বছৰৰ কাৰাদণ্ডৰ শাস্তি দিছিল। পাছত ভাল আচৰণৰ বাবে ২০১৬ চনৰ ফেব্ৰুৱাৰী মাহত মুকলি কৰি দিয়া হৈছিল অভিনেতাগৰাকীক।
ছলমান খান
১৯৯৮ চনত বলীউডৰ ভাইজান ছলমান খানকো গ্ৰেপ্তাৰ কৰা হৈছিল। ৰাজস্থানৰ এখন গাঁৱত ছলমান খান আৰু তেওঁৰ ‘হাম সাথ সাথ হেই’ৰ সহ অভিনেতা ছেইফ আলী খান, টাবু আৰু সোণালী বেন্দ্ৰেৰ বিৰুদ্ধে কৃষ্ণসাৰ চিকাৰ কৰাৰ অভিযোগ উত্থাপন হৈছিল। এই গোচৰত গ্ৰেপ্তাৰ কৰা হৈছিল ছলমান খান। অৱশ্যে পাছত জামিন লাভ কৰে।
শ্বাহৰুখ খান
বলীউডৰ ৰজা শ্বাহৰুখ খানকো এবাৰ আৰক্ষীয়ে গ্ৰেপ্তাৰ কৰিছিল। আনকি খঙৰ বাবে জেললৈও যাবলগীয়া হৈছিল। শ্বাহৰুখ খানে নিজেই এক সাক্ষাৎকাৰত এই কথা প্ৰকাশ কৰিছে। এজন সাংবাদিকক ভয় দেখুৱাই জেললৈ যাবলগীয়া হৈছিল শ্বাহৰুখ খান।
ৰিয়া চক্ৰৱৰ্তী
অভিনেত্ৰী ৰিয়া চক্ৰৱৰ্তীক ২০২০ চনত আৰক্ষীয়ে গ্ৰেপ্তাৰ কৰিছিল। সুশান্ত সিং ৰাজপুতৰ মৃত্যুৰ গোচৰৰ তদন্তৰ মাজতে তেওঁৰ ড্ৰাগছ আসক্তিৰ সম্পৰ্ক থকাৰ অভিযোগৰ পিছতে গ্ৰেপ্তাৰ কৰা হয়। ড্ৰাগছ গোচৰৰ জেৰাৰ সময়ত সন্তোষজনক উত্তৰ নোপোৱাৰ বাবে নাৰ্কটিকছ কণ্ট্ৰল ব্যুৰোৱে ৰিয়াক গ্ৰেপ্তাৰ কৰিছিল। গ্ৰেপ্তাৰ হোৱাৰ প্ৰায় এমাহৰ পিছত বম্বে উচ্চ ন্যায়ালয়ে ৰিয়াক জামিন মঞ্জুৰ কৰে।
আদিত্য পাঞ্চোলি
এখন হোটেলত বাউন্সাৰক ভাবুকি দিয়াৰ অপৰাধত গ্ৰেপ্তাৰ হৈছিল অভিনেতা আদিত্য পাঞ্চোলি। অৱশ্যে সেইদিনাই তেওঁক মুকলি কৰি দিয়া হৈছিল। পিছত ২০০৫ চনত চুবুৰীয়াৰ লগত কাজিয়া কৰাৰ অপৰাধত ১ বছৰৰ কাৰাদণ্ড বিহা হৈছিল।
অক্ষয় কুমাৰ-টুংকল খান্না
অভিনেতা অক্ষয় কুমাৰো জেললৈ গৈছে। ২০০৯ চনত লাকমে ফেশ্বন উইকত ৰেম্পত খোজ কাঢ়ি থকা অক্ষয়ে তাত উপস্থিত থকা পত্নী টুইংকলক কিবা এটা ইংগিত দিলে আৰু টুইংকলে জিন্সৰ জিপটো খুলি বন্ধ কৰি দিলে। ইয়াৰ ওপৰত আপত্তি প্ৰকাশ কৰি এগৰাকী সমাজকৰ্মীয়ে অক্ষয়-টুইংকলৰ বিৰুদ্ধে গোচৰ ৰুজু কৰিছিল। অৱশ্যে লগে লগে জামিন লাভ কৰে।
জন আব্ৰাহাম
২০০৬ চনত অভিনেতা জন আব্ৰাহামে ৫ দিন কাৰাগাৰত কটাবলগীয়া হৈছিল। জনে বাইকেৰে দুজন লোকক খুন্দা মাৰিছিল, তাৰ পিছত তেওঁৰ বিৰুদ্ধে গাফিলতিৰে গাড়ী চলোৱাৰ গোচৰ ৰুজু কৰা হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
