বিশাল অৰণ্য, বিস্তৃত সমুদ্ৰ বীচ্চ, চহৰাঞ্চলৰ ডাঙৰ ডাঙৰ প্ৰপাৰ্টি, গাওঁ একোৱেই বাদ নপৰে৷ হিচাপ অনুসৰি উত্তৰৰ পৰা দক্ষিণ আৰু পূৱ আৰু পশ্চিম সকলো দিশতেই আছে তেওঁলোকৰ মাটি৷ বিশ্বৰ সকলোতকৈ ডাঙৰ লেণ্ডলৰ্ড বুলি তেওঁক কোৱা হয়৷ তথ্য অনুসৰি বিশ্বৰ ১৬শতাংশ মাটিৰ মালিক তেওঁলোক৷ আয়তনত ব্ৰাজিলৰ তিনিগুণ সম্পত্তি তেওঁলোকৰ৷ আৰু এই বিশাল পৰিমাণৰ মাটি সম্পত্তি চোৱাচিতা কৰে তেওঁলোকৰ সংস্থা ক্ৰাউন এষ্টেটে৷ এই বিশেষ ব্যক্তি কোন?
এই বিপুল সম্পত্তিৰ মালিক যি পৰিয়াল তেওঁলোকৰ মূলত এটা ৰাজপৰিয়াল৷ আৰু বিশ্বৰ দৰবাৰত বহুল চৰ্চিত আৰু পৰিচিত৷ এক সময়ত প্ৰায় অৰ্ধেক বিশ্ব তেওঁলোকৰ হাতত৷ বহু দেশতেই তেওঁলোকে নিজকে ৰজা বুলি দাবী কৰে৷ সেই ৰাজ পৰিয়াল আন কোনো নহয় সেয়া ব্ৰিটেইনৰ ৰাজ পৰিয়াল৷ ব্ৰিটেইনৰ ৰজা তৃতীয় চাৰ্লছ আৰু ব্ৰিটেইন ৰাজ পৰিয়ালে এই বিপুল সম্পত্তিৰ মালিক৷ ৰাণী দ্বিতীয় এলিজাবেথৰ মৃত্যুৰ পাছত বংশানুক্ৰমে সম্পত্তিৰ মালিকানাধীন পাইছে ৰজা তৃতীয় চাৰ্লছে৷
অৱশ্যে এই বিপুল সম্পত্তি তেওঁলোকৰ হলেও এয়া ব্যক্তিগত সম্পত্তি বুলি ধৰা নহয়৷ এই সম্পত্তি ৰাজ পৰিয়ালৰ৷ তেওঁ যিমানদিন ৰজাৰ আসনত সিমানদিন এই সম্পত্তিৰ মালিক তেওঁ. আন্তৰ্জাতিক স্তৰৰ একাধিক সমীক্ষাৰ তথ্য যে ৰজা তৃতীয় চাৰ্লছ বিশ্বজুৰি ৬.৬বিলিয়ন একৰ মাটি আৰু সম্পত্তিৰ মালিক৷
বিশ্বৰ মুঠ ১৬.৬শতাংশ মাটি ব্ৰিটিছ ৰাজপৰিয়ালৰ৷ এই মাটিসমূহ আছে গ্ৰেট ব্ৰিটেইন, অষ্ট্ৰেলিয়া, আয়াৰলেণ্ড, স্কটলেণ্ড, ৱেলছ, কানাডাসহ বহু দেশত৷ ১১৫০০০ একৰ মাটি আৰু ইয়াৰ মাজত কৃষিভূমি আৰু বনাঞ্চলো আছে৷ সম্পত্তিৰ হিচাপৰ নিৰিখত ব্ৰিটিছ ৰাজপৰিয়ালৰ পাছতেই আহিছে ছৌদি আৰৱৰ বাদশ্বাহ আব্দুল্লাহ তেওঁৱো ব্যক্তিগতভাৱে বিশাল সম্পত্তিৰ মালিক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
