প্ৰায়বোৰ মানুহেই ধন উপাৰ্জন কৰি পৃথিৱীৰ আটাইতকৈ ধনী মানুহ হোৱাৰ সপোন দেখে৷ কিন্তু কিছুমান মানুহ আছে যি শাসন কৰিবলৈ জন্ম লৈ ৰাজভোগৰ নামত বিলাসী ৰাজপ্ৰসাদ আৰু বাহন ক্ৰয় কৰি জীৱন উপভোগ কৰে৷ অৱশ্যে এনে মানুহ খুব কমেই থাকে আৰু তাৰে এজন হ’ল হাছানাল বলকিয়া।
এই হাছানাল বলকিয়া হৈছে এছিয়াৰ এখন দেশৰ চুলতান তথা শাসক৷ এছিয়াৰ ব্ৰুনাই নামৰ ইছলামিক দেশখনৰ ৰাজতন্ত্ৰৰ অন্ত পৰিল যদিও এতিয়াও ইয়াৰ চুলচান তথা শাসনৰ ক্ষমতাত আছে এই হাছানাল বলকিয়া।
১৯৪৬ চনৰ ১৫ জুলাইত তৃতীয় চুলতান ওমৰ আলী ছাইফুদ্দিনৰ পুত্ৰ হিচাপে জন্মগ্ৰহণ কৰিছিল ব্ৰুনাইৰ ৭৫ বছৰীয়া চুলতান হাছানাল বলকিয়াৰ। চুলতান ওমৰ আলী ছাইফুদ্দিনৰ ১০টা সন্তান, ছয়জনী কন্যা আৰু চাৰিজন পুত্ৰৰ সৈতে কেইবাগৰাকীও পত্নী আছিল যদিও কম বয়সতে তেওঁ বলকিয়াক উত্তৰাধিকাৰী হিচাপে বাছি লৈছিল।
লগতে পঢ়ক বেংক একাউণ্টত বেলেঞ্চ শূণ্য নেকি! তথাপিও ১০ হাজাৰ টকা উলিয়াব পাৰিব! কিন্তু কেনেকৈ?
হাছানাল বলকিয়াই মালয়েছিয়াৰ কুৱালালামপুৰৰ ভিক্টোৰিয়া ইনষ্টিটিউচন আৰু ইংলেণ্ডৰ ছেণ্ডহাৰ্ষ্টৰ ৰয়েল মিলিটাৰী একাডেমীত অধ্যয়ন কৰিছিল। হাছানাল বলকিয়াৰ তিনিগৰাকী পত্নীৰ পাঁচজন পুত্ৰ আৰু ৭ গৰাকী কন্যা আছে।
১৯৬৭ চনৰ ৪ অক্টোবৰত পিতৃৰ অৱসৰৰ পিছত ৰাজকুমাৰ হাছানালে বলকিয়া চুলতানৰ সিংহাসনত আৰোহণ কৰে। ১৯৬৮ চনৰ ১ আগষ্টত তেওঁৰ অভিষেক ঘটে। হাছানাল বলকিয়াক বিশ্বৰ আটাইতকৈ ধনী চুলতানসকলৰ ভিতৰত গণ্য কৰা হয়। ১৯৮০ চনলৈকে তেওঁ আছিল বিশ্বৰ আটাইতকৈ ধনী ব্যক্তি।
বিজনেছ ইনছাইডাৰৰ এক প্ৰতিবেদন অনুসৰি হাছানাল বলকিয়াৰ সম্পত্তিৰ মূল্য ১৪,৭০০ কোটিতকৈ অধিক আৰু তেওঁৰ উপাৰ্জনৰ আটাইতকৈ ডাঙৰ উৎস হৈছে খাৰুৱা তেলৰ মজুত আৰু প্ৰাকৃতিক গেছ।
লগতে পঢ়ক শাৰীৰিক সম্পৰ্ক স্থাপনত অনিচ্ছুক অভিনেত্ৰী পত্নী! বিবাহ বিচ্ছেদ বিচাৰি আদালতত সাংসদ স্বামী
চেলিব্ৰিটি নেট ৱৰ্থৰ মতে, হাছানাল বলকিয়া বিশ্বৰ অন্যতম ধনী ৰয়েল, যাৰ আনুমানিক সম্পত্তিৰ পৰিমাণ ৩০ বিলিয়ন ডলাৰ। ইণ্ডোনেছিয়া, মালয়েছিয়া, ভিয়েটনাম আৰু থাইলেণ্ডৰ পিছতে ব্ৰুনাই হৈছে দক্ষিণ-পূব এছিয়াৰ পঞ্চমখন প্ৰধান তেল উৎপাদনকাৰী দেশ। খাৰুৱা তেল আৰু প্ৰাকৃতিক গেছৰ ৰপ্তানিৰ ফলত চুলতান হাছানাল বলকিয়াক বিশ্বৰ অন্যতম ধনী ব্যক্তি হিচাপে পৰিগণিত হৈছে। ১৯৮৮ চনত ফ’ৰ্বছ-এ চুলতান বলকিয়াক বিশ্বৰ আটাইতকৈ ধনী ব্যক্তি হিচাপে স্থান দিছিল।
বলকিয়াৰ গাড়ীৰো ভাল সংগ্ৰহ আছে। ব্ৰুনাইৰ চুলতানজনৰৰ হাতত আছে এখন সোণৰ প্লেটেড ৰ’লছ ৰয়েচকে ধৰি বিশ্বৰ সৰ্বাধিক বিৰল গাড়ী। হটকাৰছৰ এক প্ৰতিবেদন অনুসৰি বলকিয়াৰ হাতত আছে প্ৰায় ৭ হাজাৰ গাড়ী, যাৰ মূল্য ৫ বিলিয়ন মাৰ্কিন ডলাৰতকৈ অধিক হ’ব৷ তেওঁৰ হাতত আছে ৫০০ খন ৰ’লছ ৰয়েছ আৰু ৩০০ খন ফেৰাৰী।
Bornrich.com ৰ এক প্ৰতিবেদন অনুসৰি ব্ৰুনাইৰ চুলতানৰ হাতত আছে বিলাসী সুবিধাৰে সজ্জিত বহুতো ব্যক্তিগত জেট বিমান। তেওঁৰ আছে বয়িং ৭৪৭-৪০০, বয়িং ৭৬৭-২০০ আৰু এয়াৰবাছ এ৩৪০-২০০ জেট বিমান। প্ৰতিবেদন অনুসৰি বয়িং ৭৪৭-৪০০ জেট বিমানখন সোণৰ ৰং কৰা হৈছে আৰু ইয়াত ড্ৰয়িং ৰূম আৰু বেডৰুমকে ধৰি আন বহুতো সুবিধা আছে।
লগতে পঢ়ক ১ লাখ বিনিয়োগেৰে ৫০ লাখ টকা উপাৰ্জন! কেনেকৈ সম্ভৱ হ’ল এয়া?
তেওঁ যিটো প্ৰসাদত বাস কৰে সেই ৰাজপ্ৰসাদৰ মূল্য জানিও আচৰিত হ’ব। বলকিয়াৰ ইস্তানা নুৰুল ইমান পেলেচৰ মূল্য ২৫৫০ কোটিতকৈও অধিক। এই প্ৰাসাদটোত ১৭০০ ৰো অধিক কোঠা, ২৫৭ টা বাথৰুম আৰু পাঁচটা চুইমিং পুল আছে। ১১০ টা গেৰেজৰ উপৰিও ২০০ টা ঘোঁৰাৰ বাবে শীততাপ নিয়ন্ত্ৰিত আস্তাৱল আছে।
ব্ৰুনাইত কেৱল আৰু কেৱল বলকিয়াৰ শাসন চলি আছে। তেওঁ কেৱল ব্ৰুনাইৰ ৰজা নহয়, দেশৰ প্ৰধানমন্ত্ৰী, বিত্তমন্ত্ৰী, বৈদেশিক পৰিক্ৰমা আৰু বাণিজ্য মন্ত্ৰী, আৰক্ষী অধীক্ষক, প্ৰতিৰক্ষা মন্ত্ৰী আৰু সশস্ত্ৰ বাহিনীৰ অধিনায়ক।
টাইমছৰ এক বাতৰি অনুসৰি চুলি কটাৰ বাবে বলকিয়াই ১৩ লাখ টকা ব্যয় কৰে। বলকিয়াই মেফেয়াৰৰ ডৰচেষ্টাৰ হোটেলত কাম কৰা লণ্ডনৰ পৰা তেওঁৰ প্ৰিয় নাপিতক মাতি চুলি কাটে!
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
