অসম লাইভ২৪ঃ ৰাজ্যজুৰি এতিয়া ট্ৰেণ্ডিঙত Sunsilk Shampoo। কেনেকৈ চেম্পুবিধ চৰ্চালৈ আহিল? এই ট্ৰেণ্ড আৰম্ভ হৈছে এখন বিয়াক কেন্দ্ৰ কৰি৷ প্ৰথমে আহিছিল এখন বিয়া ভঙাৰ খবৰ। কইনা পক্ষৰ অভিযোগ দৰা পক্ষৰ বিৰুদ্ধে, দৰা পক্ষইয়ো প্ৰতি অভিযোগ আনিছে কইনা পক্ষৰ বিৰুদ্ধে। বিয়াখনক লৈ ছচিয়েল মিডিয়াত ব্যাপক চৰ্চা। কোনোৱে যদি দৰা পক্ষক সমালোচনা কৰিছে, কোনোৱে আকৌ কইনা পক্ষক। ভুল কাৰ আছিল সেয়া কোনেও নাজানে৷ কিন্তু তাৰ মাজতে ছচিয়েল মিডিয়াত এতিয়া ট্ৰেণ্ডিঙত আছে Sunsilk Shampoo।
Sunsilk Shampooৰ চৰ্চা আৰম্ভ হোৱাৰ আঁৰতেই এই বিয়াখন৷ বিয়াখন ভঙাৰ পিছতে দৰা দিব্যজ্যোতি তালুকদাৰে ৰাজহুৱা কৰিছিল কইনাই দিয়া WhatsApp মেছেজৰ স্ক্ৰীণশ্বট। এই মেছেজবোৰৰ মাজত জোৰোণত Sunsilk Shampoo দিয়াক লৈও ইতিকিং কৰা এটা মেছেজ দেখা গৈছিল। কইনাই দিয়া মেছেজটোত লিখা আছিল, ‘Sunsilk চেম্পু মই ব্যৱহাৰ নকৰো।’ ছচিয়েল মিডিয়াত স্ক্ৰীণশ্বট ভাইৰেল হোৱাৰ পিছত এই মেছেজটোক লৈয়ে এতিয়া একাংশ ছচিয়েল মিডিয়া ব্যৱহাৰকাৰীয়ে বিভিন্নধৰণে মিম বনাই থকাও পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
