২০২৬ চনৰ প্ৰথম সূৰ্যগ্ৰহণ৷ জ্যোতিষগণনা অনুসৰি এই বছৰৰ প্ৰথম সূৰ্যগ্ৰহণ হ’ব ১৭ ফেব্ৰুৱাৰী৷ সেই সময়ত সূৰ্য শনিৰ অধীন ৰাশি কুম্ভত অৱস্থান কৰিব৷ অৰ্থাৎ কুম্ভ ৰাশিতেই হ’ব সূৰ্যগ্ৰহণ৷ সেই একে দিনাই আকৌ চাৰিগ্ৰহই অৱস্থান কৰিব কুম্ভ ৰাশিত, যাৰ ফলত তৈয়াৰ হব এক বিৰল পঞ্চগ্ৰহী যোগ৷ এই পৰিস্থিতিয়ে তিনিটা ৰাশিৰ জাতকৰ বাবে উল্লেখযোগ্য আৰ্থিক লাভ দিব পাৰে৷
১৩ ফেব্ৰুৱাৰী ২০২৬ত সূৰ্যই কুম্ভ ৰাশিত গোচৰ কৰিব৷ তাতেই ইতিমধ্যেই উপস্থিত থাকিব ৰাহু৷ যাৰ ফলত সূৰ্যগ্ৰহণ হব৷ মঙ্গল, বুধ, শুক্ৰ আৰু চন্দ্ৰই কুম্ভ ৰাশিত পঞ্চগ্ৰহী যোগ তৈয়াৰ কৰিব৷ ১৭ ফেব্ৰুৱাৰীত চন্দ্ৰই কুম্ভ ৰাশিত প্ৰৱেশ কৰিব৷ সূৰ্যগ্ৰহণৰ দিনাই সেই ৰাশিত পঞ্চগ্ৰহী যোগ তৈয়াৰ হোৱাৰ এক বিৰল সংযোগ তৈয়াৰ হৈছে৷ যি অত্যন্ত শুভ বুলি ধাৰণা কৰিছে জ্যোতিষবিদসকলে৷
কোন কোন লাভৱান হ’ব?
মিথুন ৰাশি
সূৰ্যগ্ৰহণ আৰু পঞ্চগ্ৰহী যোগ মিথুন ৰাশিৰ বাবে উপকাৰী হব৷ এই ৰাশিৰ জাতকৰ কেৰিয়াৰত উল্লেখযোগ্য উন্নতি আৰু আৰ্থিক পৰিস্থিতি সলনি হোৱাৰ সম্ভাৱনা আছে৷ নতুন উৎসৰ পৰা অৰ্থলাভ হব৷ ব্যৱসায় থাকিলে লাভৰ মুখ দেখিব৷ খেলাধুলা আৰু ফিটনেছৰ সৈতে জড়িতসকল বিশেষভাৱে উপকৃত হব৷
তুলা ৰাশি
সূৰ্যগ্ৰহণ আৰু পঞ্চগ্ৰহী যোগে তুলা ৰাশিৰ জাতকৰ বাবে ডাঙৰ আৰ্থিক উন্নতি কঢ়িয়াই আনিব পাৰে৷ ৰৈ থকা ধন পুনৰুদ্ধাৰ কৰিব পাৰে৷ ঋণৰ পৰা মুক্তি পাব পাৰে৷ নতুন চাকৰিৰ প্ৰস্তাৱ পাব পাৰে৷ নতুন ব্যৱসায় আৰম্ভ কৰাৰ বাবে এই সময় ভাল সময়৷ ডাঙৰ কোনো ব্যৱসায়িক চুক্তি সম্পন্ন হব পাৰে৷ পুৰণি কাম শেষ কৰাৰ বাবে ভাল সময়৷ জীৱনত আৰাম আৰু বিলাসিতা বৃদ্ধি পাব পাৰে৷ ডাঙৰ কোনো সমস্যাৰ পৰা মুক্তি পাব পাৰে৷
ধনু ৰাশি
একে দিনাই একে ৰাশিত একেলগে সূৰ্যগ্ৰহণ পঞ্চগ্ৰহী যোগৰ এই বিৰল ঘটনা ধনু ৰাশিৰ জাতকৰ বাবে সৌভাগ্যৰ দুৱাৰ খুলিব৷ নতুন ঘৰ, সম্পত্তি বা বাহন কিনিব পাৰে৷ নতুন ব্যৱসায় বা কোনো কাম আৰম্ভ কৰাৰ পৰিকল্পনা থাকিলে ভাল সময়৷ খৰচ কমিব, যাৰ ফলত অৰ্থ সাশ্ৰয় বাঢ়িব৷ আপোনাৰ স্বাস্থ্যৰ উন্নতি হব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
