অসম লাইভ ২৪ঃ সকলোকে হতবাক কৰি আজিৰ দিনটোতে আঁতৰি গৈছিল বলীউডৰ জনপ্ৰিয় অভিনেতা সুশান্ত সিং ৰাজপুত। সুশান্তৰ আত্মহত্যাই জোকাৰি গৈছিল সমগ্ৰ দেশ। প্ৰিয় অভিনেতাগৰাকীক অকালতে হেৰুৱাই আজিও ম্ৰিয়মান সুশান্তৰ ফেন। অভিনেতাগৰাকীৰ মৃত্যুবাৰ্ষিকীত আবেগিক প’ষ্টেৰে অনুৰাগীয়ে ভৰাই পেলাইছে ছ’চিয়েল মিডিয়া। টুইটাৰত নিশাৰে পৰা ট্ৰেণ্ডিং হৈছে #SushantSinghRajput
আনহাতে সুশান্তৰ প্ৰাক্তন প্ৰেয়সী তথা একালৰ সহ-অভিনেত্ৰী অংকিতা লৌখণ্ডেও সুশান্তক সুঁৱৰি ৰাখিলে যজ্ঞ। যজ্ঞৰ ভিডিঅ’ নিজৰ ইনষ্টাগ্ৰাম ষ্ট’ৰিত শ্বেয়াৰ কৰিলে অভিনেত্ৰীগৰাকীয়ে। উল্লেখযোগ্য যে, সুশান্তৰ মৃত্যুৰ পাছত মানসিকভাৱে ভাগি পৰিছিল অংকিতা। এই দুখৰ পৰা আঁতৰি আহিবলৈ অংকিতাক যথেষ্ঠ সময় লাগিছিল। ইয়াৰ পূৰ্বেও সুশান্তৰ বাবে ভগৱানৰ ওচৰত প্ৰাৰ্থনা জনাই বন্তি জ্বলোৱাৰ ফটো শ্বেয়াৰ কৰিছিল অংকিতাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
