অসম লাইভ২৪ঃ সুশান্ত সিং ৰাজপুত আঁতৰি যোৱাৰ প্ৰায় আঢ়ৈ বছৰ সম্পূৰ্ণ হৈছে৷ এই আঢ়ৈ বছৰে কেৱল বলীউডতেই নহয় দেশজুৰি চৰ্চাৰ শিখৰতেই আছে সুশান্ত৷ মৃত্যুৰ পাছতো খুবেই চৰ্চাত থকা অভিনেতা হৈছে সুশান্ত সিং ৰাজপুত৷ এক সমীক্ষাই প্ৰকাশ কৰামতে বৰ্তমানো গুগলত কেইবা হাজাৰ লোকে চাৰ্ছ কৰে সুশান্ত সম্পৰ্কীত বিষয়৷ কিয় আত্মহত্যা কৰিছিল সুশান্তে সেই বিষয়ে বৰ্তমানো সঠিক তথ্য পোৱা নাই যদিও সুশান্তৰ আত্মহত্যাৰ আঁৰত যে বহুকেইটা কাৰণ জড়িত হৈ আছে সেইয়া ধুৰূপ৷ শেহতীয়াকৈ আকৌ সুশান্ত সম্পৰ্কীয় এক বাতৰিয়ে সংবাদ শিৰোনাম দখল কৰিছে৷ সুশান্ত বাস কৰা এপাৰ্টমেণ্টটোৰ সৈতে জড়িত হৈ থকা বিশেষ কেইটামান কথাই এতিয়া চৰ্চা লাভ কৰিছে৷
মুম্বাইৰ এটা ফ্লেটত আত্মহত্যা কৰিছিল সুশান্তই
সুশান্ত সিং ৰাজপুতে ২০২০ চনৰ ১৪ জুনত আত্মহত্যা কৰিছিল৷ মুম্বাইৰ এটা অভিজাত এলেকাত থকা বিলাসী ফ্লেটত উদ্ধাৰ হৈছিল সুশান্তৰ দেহ৷ আৰৱ সাগৰৰ পাৰত থকা বিশেষ এপাৰ্টমেণ্টটোৰ প্ৰতি বহুতৰেই আকৰ্ষণ৷ মুম্বাইত এনে ফ্লেট হঠকাই পোৱা টান৷ কিন্তু সুশান্ত সিঙে আত্মহত্যা কৰা ফ্লেটটো আজিও খালী হৈ ৰৈছে৷ কোনো লোকেই এই ফ্লেটত ভাৰাতীয়া হিচাপে থাকিবলৈ আৰু আগ্ৰহী নহয়৷ ইয়াৰ আঁৰত কেৱল সুশান্তে সেই গৃহত আত্মহত্যা কৰাই নে আন কিবা?
কিয় এই এপাৰ্টমেণ্ট ল’ব নোখোজে ভাৰাতীয়াই?
অভিনেতাজনৰ মৃত্যু হোৱা এপাৰ্টমেণ্টটো আজিও খালী হৈয়েই আছে৷ সুশান্তৰ মৃত্যুৰ আঢ়ৈ বছৰৰ পিছতো ভাড়াতীয়া বিচাৰি পোৱা নাই এপাৰ্টমেণ্টৰ মালিকে। এই এপাৰ্টমেণ্টৰ নাম শুনিলেই বহুতেই ভয়ত শিঁয়ৰি উঠে৷ শেহতীয়াকৈ প্ৰপাৰ্টি ব্ৰকাৰে সুশান্তৰ বিলাসী ফ্লেটৰ ফটো শ্বেয়াৰ কৰিছে৷ লগতে বিলাসী ফ্লেটটোৰ ভাড়াও উল্লেখ কৰিছে ব্ৰকাৰে৷ তেওঁ ঘৰটোৰ মাহিলী ভাড়া ৫ লাখ টকা বুলি উল্লেখ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
