সলনি হ’ব ভাৰতীয় ক্ৰিকেট দলৰ অধিনায়ক! দক্ষিণ আফ্ৰিকাৰ বিৰুদ্ধে অনুষ্ঠিত হ’বলগীয়া মেছত ভাৰতীয় দলটোৰ নেতৃত্ব সলনি হোৱাৰ পাছতে এই চৰ্চা আৰম্ভ হৈছে।
আইচিচি টি-২০ বিশ্বকাপ চলিত বৰ্ষৰ ১৬ অক্টোৱৰৰ পৰা আৰম্ভ হ’ব। এইবাৰ ৮ বছৰত ভৰি দিব টি-২০ বিশ্বকাপে। অষ্ট্ৰেলিয়াত অনুষ্ঠিত হ’বলগীয়া এইবাৰৰ টি-২০ বিশ্বকাপ সমাপ্ত হ’ব ১৩ নৱেম্বৰত।
টি-২০ বিশ্বকাপৰ আৰম্ভণিৰ পূৰ্বে সাল-সলনি হ’ব পাৰে ভাৰতীয় দলটোৰ পদসমূহ। ইতিমধ্যে দক্ষিণ আফ্ৰিকাৰ বিৰুদ্ধে হ’বলগীয়া এদিনীয়া মেচখনত প্ৰশিক্ষক হিচাপে উপস্থিত নাথাকে মুখ্য প্ৰশিক্ষক ৰাহুল দ্ৰাবিড়। ৰাহুলৰ অনুপস্থিতিত ভিভিএছ লক্ষ্মণক টিম ইণ্ডিয়াৰ প্ৰশিক্ষক হিচাপে নিয়োগ কৰাৰ সম্ভাৱনা আছে।
লগতে পঢ়ক আন্তৰ্জাতিক বজাৰত সৰ্বনিম্ন খাৰুৱা তেলৰ মূল্য! দেশত কেতিয়াকৈ কমিব পেট্ৰল-ডিজেলৰ মূল্য?
ইপিনে টি-২০ৰ আৰম্ভনিৰ পূৰ্বেই ক্ৰিকেট দলটোৰ অধিনায়ক সলনিৰ কথাও চৰ্চালৈ আহিছে। বিচিচিআইয়ে লোৱা এই সিদ্ধান্তক লৈ একাংশ নেটনাগৰিকে সমালোচনা কৰিছে যদিও বিচিচিআইয়ে এই সিদ্ধান্তৰ কাৰণো প্ৰকাশ কৰিছে।
বিচিচিআইয়ে উল্লেখ কৰা অনুসৰি কেৱল দক্ষিণ আফ্ৰিকাৰ বিৰুদ্ধে অনুষ্ঠিত হ’বলগীয়া খেলখনৰহে নেতৃত্ব দিব শেখৰ ধাৱানে। টি-২০ বিশ্বকাপৰ পূৰ্বে দলটোৰ নিয়মীয়া খেলুৱৈসকলক কিছু বিশ্ৰাম দিয়াৰ উদ্দেশ্যেৰেই এই সিদ্ধান্ত বিচিচিআইৰ সূত্ৰই প্ৰকাশ কৰিছে।
উল্লেখ্য যে কেৱল অধিনায়ক সালসলনিয়েই নহয় এইবাৰ টি-২০ত ভাৰতীয় দলটোৱে অপেনাৰ যুঁটিৰো সালসলনিৰ পৰিকল্পনা কৰিছে। ৰাহুল দ্ৰাবিড়ৰ প্ৰশিক্ষণত অপেনাৰ হিচাপে ঈশান, ঋষভ, সুৰ্যকুমাৰ যাদৱ, ৰোহিত শৰ্মা, বিৰাট কোহলি, ঋতুৰাজ গায়কোৱাৰ্ড, সঞ্জু, দীপক হুডাই অপেনাৰ হিচাপে বেটিং আৰম্ভ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
