বিবাহৰ অজুহাতত এগৰাকী মহিলা কনিষ্টবলক ধৰ্ষণ কৰাৰ অভিযোগত পলাতক হৈ থকা আৰক্ষী পৰিদৰ্শক টি আই সন্দীপ আয়াশীক আৰক্ষীয়ে গ্ৰেপ্তাৰ কৰিছে। দেওবাৰে পাটন বাইপাছৰ সমীপৰ পৰা পলাতক আৰক্ষী বিষয়াগৰাকীক আটক কৰা হয়।
উল্লেখ্য যে গ্ৰেপ্তাৰ হোৱাৰ সম্ভেদ পাই যোৱা ৩৯ দিন ধৰি আৰক্ষী বিষয়া টি আই সন্দীপ আয়াশী পলাতক হৈ আছিল৷ পলাতক হৈ থকাৰ পাছতে তেওঁৰ সন্ধান দিওঁতাক ৫ হাজাৰ টকাৰ আৰ্থিক পুৰস্কাৰ দিয়া হ’ব বুলি আৰক্ষী অধীক্ষক সিদ্ধাৰ্থ বহুগুণাই ঘোষণা কৰিছিল।
ইফালে গ্ৰেপ্তাৰ কৰাৰ পাছতে আৰক্ষীয়ে অভিযুক্ত আয়াশীক আদালতত হাজিৰ কৰোৱায় আৰু আদালতে তেওঁক জে’ল হাজোতলৈ প্ৰেৰণ কৰিছে। অৱশ্যে অভিযুক্ত সন্দীপ আয়াশীক এই গোচৰত সোধা-পোছাৰ বাবে আৰক্ষীয়ে নিজৰ জিম্মালৈ নিব পাৰিব বুলিও আদালতে প্ৰকাশ কৰিছে।
লগতে পঢ়ক এটা কুকুৰৰ বাবেই দুই দেশৰ মাজত তয়াময়া যুদ্ধ! যুদ্ধৰ পৰিণাম কি হৈছিল?
মহিলা থানা আৰক্ষীয়ে জনোৱা মতে, ২০১৮ বৰ্ষত টি আই সন্দীপ আয়াশীক জবলপুৰৰ গোৰখপুৰ আৰক্ষী থানাৰ প্ৰভাৰী হিচাপে নিযুক্তি দিয়া হৈছিল। ইয়াৰ মাজতে ২০১৮ চনৰ জুলাইত আৰক্ষী লাইনত নিয়োজিত নতুন মহিলা কনিষ্টবলগৰাকীক কৰ্তব্যৰ বাবে গোৰখপুৰ থানালৈ প্ৰেৰণ কৰা হয় আৰু তাতে থানাৰ ভাৰপ্ৰাপ্ত বিষয়া আয়াশীৰ লগত মহিলা কনিষ্টবলগৰাকীৰ পৰিচয় ঘটে৷
কিন্তু ২০১৮ চনৰ অক্টোবৰ মাহত মহিলা কনিষ্টবলগৰাকীয়ে পানাগাৰত নিযুক্তি লাভ কৰে আৰু তাৰ পৰাই আৰক্ষী বিষয়া সন্দীপ আয়াশীয়ে মহিলা কনিষ্টবলগৰাকীক ছোনিয়া পেলেচ হোটেললৈ নি বিয়াৰ অজুহাতত ধৰ্ষণ কৰে।
অভিযোগ অনুসৰি ইয়াৰ পাছতো আয়াশীয়ে কনিষ্টবলগৰাকীৰ ওপৰত শাৰীৰিক নিৰ্যাতন অব্যাহত ৰাখিছিল। কিন্তু মহিলা কনিষ্টবলগৰাকীয়ে বিয়াৰ কথা ক’বলৈ আৰম্ভ কৰাৰে পৰা আৰক্ষী বিষয়াগৰাকীয়ে সমগ্ৰ বিষয়টো এৰাই চলিবলৈ ধৰে।
লগতে পঢ়ক আন্তৰ্জাতিক বজাৰত সৰ্বনিম্ন খাৰুৱা তেলৰ মূল্য! দেশত কেতিয়াকৈ কমিব পেট্ৰল-ডিজেলৰ মূল্য?
বিষয়াগৰাকীয়ে মহিলা কনিষ্টবলগৰাকীৰ কথাটোত গুৰুত্ব নকৰাত যোৱা জানুৱাৰী মাহত কোটোৱালী থানাত উপস্থিত হৈ আয়াশীৰ বিৰুদ্ধে অভিযোগ কৰে৷ অভিযোগ অনুসৰি আৰক্ষী বিষয়াগৰাকীয়ে মহিলা কনিষ্টবলগৰাকীৰ সৈতে বুজাবুলিলৈ আহি বিবাহৰ সন্মতি প্ৰদান কৰে৷
তাৰ পাছত তেওঁ মহিলা কনিষ্টবলগকাৰীৰে দূৰত্ব বজাই ৰাখিবলৈ ধৰে আৰু ইয়াৰ বিৰুদ্ধে কনিষ্টবলগৰাকীয়ে প্ৰতিবাদ কৰাত কনিষ্টবলগৰাকীক প্ৰয়াগৰাজলৈ লৈ নি পত্নীৰ মৰ্যাদা দিয়ে। এইদৰে বাধ্যত পৰি আৰক্ষী বিষয়াগৰাকীয়ে মহিলা কনিষ্টবলগৰাকীক বিবাহ কৰাই যদিও পুনৰ এৰাই চলিবলৈ ধৰে।
এইবাৰ মহিলা কনিষ্টবলগৰাকীয়ে আৰক্ষী বিষয়াগৰাকীৰ বিৰুদ্ধে গোচৰৰ দাখিল কৰে। জবলপুৰৰ মহিলা আৰক্ষী থানাত গোচৰ ৰুজু হোৱাৰ পাছত আৰক্ষী বিষয়া টি আই সন্দীপ আয়াশীয়ে গ্ৰেপ্তাৰ হোৱাৰ সম্ভেদ পাই পলায়ন কৰে। অৱশেষত ৩৯ দিন পলাতক হৈ থকাৰ পাছতে যোৱা দেওবাৰে আৰক্ষীয়ে পলাতক আৰক্ষী বিষয়াগৰাকীক গ্ৰেপ্তাৰ কৰিবলৈ সক্ষম হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
