আইনী জটিলতা শেষ হোৱা নাই দক্ষিণী ছুপাৰষ্টাৰ আল্লু অৰ্জূনৰ৷ সূত্ৰৰ খবৰ অনুসৰি তেওঁৰ অন্তৰ্বৰ্তী জামিন আবেদন খাৰিজ কৰাৰ আৰ্জি জনাই ছুপ্ৰিম কৰ্টত গোচৰ তৰিছে তেলেংগানা আৰক্ষীয়ে৷
হায়দৰাবাদত সন্ধিয়া থিয়েটাৰ পুষ্পা২ ৰ প্ৰিমিয়াৰ শ্ব’ত আল্লু অৰ্জূনে হঠাৎ উপস্থিত হোৱাত দৰ্শকৰ ভিৰ বাঢ়ি যায়৷ তেওঁক দেখি পদপিষ্ট হোৱাৰ দৰে পৰিস্থিতিও তৈয়াৰ হয়৷ সন্ধিয়া থিয়েটাৰৰ মেইন গেট ভাঙি পৰে৷ তাৰফলতেই মৃত্যু হয় ৰেবতী নামৰ ৩৫ বছৰীয়া এগৰাকী মহিলাৰ৷ গুৰুতৰভাৱে আঘাতপ্ৰাপ্ত হৈছে তেওঁৰ ৮বছৰীয়া সন্তান শ্ৰী তেজো৷ সেই ঘটনাৰ পাছতেই বিগত ১৩ ডিচেম্বৰত অভিনেতা আল্লুক হায়দৰাবাদৰ ঘৰৰ পৰা গ্ৰেপ্তাৰ কৰা হয়৷
নিম্ন আদালতে ছুপাৰষ্টাৰক ১৪ দিন জে’ল হেফাজতত ৰখাৰ নিৰ্দেশ দিয়ে৷ নিম্ন আদালতৰ নিৰ্দেশক চেলেঞ্জ কৰি তেলেঞ্জানা হাইকৰ্টৰ আইনজীৱীৰ মাধ্যমেৰে জামিনৰ আৰ্জি জনাই আল্লুৱে৷ হাইকৰ্টে সেই দিনাই তেওঁক ৪সপ্তাহৰ অন্তৰ্বৰ্তী জামিন দিয়ে৷ কিন্তু আইনী প্ৰক্ৰিয়া শেষ নোহোৱাৰ বাবেই অভিনেতাই এক নিশা জে’লত কটাব লগা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
